Press "Enter" to skip to content

India Ram (Pune) Um,Vawlei Cung Ah A Ngan Bik Sii( Medicines) Sernak ” Serum Institute” Pi Cu Mei Kanghnak A Chuak. A Poi Ngai Ko

Covid-19 vaccine An Ser Chuahnak Ding Ah India Nih An Sak Mi Inn Pi Cu A Kang
———————————-
India Ram Ah Covid-19 runvennak Sii Chuahnak Ding ah “Serum Institute” Tiah minbunh in an sak mi Inn Pi cu mei kanghnak a chuak. North India Maharastra ram Pune Khuapi i ansak mi Inn cu meikanghnak a chuah nain an ser cuahmah mi sii pawl cu a hnor suan manh lo tiah an mah company riantuan pakhat nih cun a chim.

Khua zei in le zeitin dah meikanghnak a chuah ning a si cu bia fiang an theih rih lo caah an chim khawh tawk cu mah mei kanghnak ah hin Minung 3 cu an bawmh/chuah khawh hna i, a dang cu a thi mi le a khawng mi an um lem lo tiah theih a si.

Covid -19 Runvennak sii caah A herhhai an in khon mi thilri pawl cu zei hmanh a hnor suan manh mi a um lo i, mah pawl a kangh hlan ah meithat nih rianrang in kan kan chuah hnawh manh caah, zei poah a him tiah company i lutlai Adar Poonwala timi pa nih cun a chim.

Vawlei cung A Ngan bik Sii Chuahnak Serum Institute nih hin Covid-19 vaccine Tan 1000 chuah ding bak in AstraZeneca/Oxford he han tlak nak sachoh (စာချုပ်) An choh tiah theih chap a si.

Mah Company Nih hin tukum 2021 chung ah hin covid-19 vaccine tan 1500 in 2500 tiang a hlei in chuah ding timhlamhnak an ngeih zia kha an rak chim bal nain hi ti bantuk ruah lo piin thil a can tik ah zei tin dik kar kan hlan ning cu a si lai tiah a chi.

Mah Timhlamh mi vial te chung khin Tan 1200 tal hi cu tukum chung ah dih ding in tuah ding hrim kan i zumh ko, tu bantuk mei kanghnak ruang ah Kan sii chuah/ ser nak ding ah zei hmanh dawnkhan tu ding a um lem lo tiah rian ngeitu pakhat nih cun a chim.

Serum Institute Nih An ser chuah mi vaccine a tam bik hi ram thangcho cuahmah mi ram pawl ca ding asi. a thag cho cuahmah mi ram Myanmar ram zong hi India ram nih serchuah mi vaccine a cah mi ram pakhat ah a tel ve.

Crd: Time Of India News
Source – AP

Be First to Comment

Leave a Reply

Your email address will not be published. Required fields are marked *