Press "Enter" to skip to content

Indiaram Khualipi Delhi Ah Mizo Nungak Anmah Mizo Lila Nih An Thah Ee

Delhi ah Mizo nungak Lal Ruat Kimi cu a hawi le mizo lila nih an thah. Hi konghe pehtlaiin thanhnak an tuahmi cu Delhi ah a um mi a hawi le nih an chimmi cu Lal Ruat Kimi tangka cu a hawi le hna nih an cawi. Leiba can ah tiah thilri an pek. Asinain thilri an pek mi zong an chuh tthan rih. Cutik ah Lalruatkimi nih tangka nan ngaih ko caah tangka vun ka pe te ko tiah a ti hna.

A hawi le cun an hrocer, Sizung um na duh maw kan in hrem ko lai dakaw tiah an tlerh. Cuticun nizan September ni 13 zanlei suimilam pahnih hrawngah Lalruatkimi nih a pa Pu Chuan Sang cu phone in a chawnh. Kapa kha hna pawl an rak ra tthan i ka ttihtuk hna, Pa zong an vun i hruai tiah Mizoram a ummi a pa cu phone in a chawnh.

Cuhnu ahcun Lalruatkimi cu a thawngpang theih a si ti lo. A hnu ahcun a hawi le nih amah le mah aa that bantukin police ah report an tuah. Asinain a hnar le aka ah thisen a chuakmi a pit kho lo. Lalruatkimi ruak cu an umnak Thenzawl ah phurh dingin an tawlrel lio a si. Mithattu hna zong police nih an tlaih cang hna tiah an langhter. Credit: News Lawrkhawm (Laknak: DNP)

RELCHAP; Russia Ralkap Le An President An Lungrawk Ko cang::: Russia President PuTin nih cun awlsamte in Ukreane cu laak khawh dingin timhlamhnak a ngeih caah a tuk i,a tu a tuknak in thla 7 renglo tiang ah hin ,Russia nih cun sunghlei lawngte a panh,Russia president PUTIN nih a rak i ruah ning ahcun”Ka hrocer lai,tlawmpal ka tuk lai i a ka ttih cawlh lai,cu lecaangka in Russia kan nawlngeihnak tangah ka chiah khawh hna lai ti kha a ruah ning a si.

A ruahning bantuk cun a tuk taktak i a hriamnam tthatha a hman,a ralkap tthatha a hman fawn,thla 5/6 chung ah khan cun Ukreane ram zeimawzat 27% tluk cu an laak taktak ko.Asinain Ukreane an president hi Israel thisen pasaltha pakhat a si caah ttihnak zeihmanh a ngei lo,a ram le a mipi a zaamtak fawn hna lo,a ralkap sinah a kal i thazaang a peek hna tik ah a ralkap hna an thazaang a tlung i,an ram a rawh dih hmanh ah Russia kuttang ah i peek kha an duhlo i an ram chanhchuah khawhnak ah thapi an chuah chin lengmang.

Russia nih Ukreane a tuk ruang ah hin Europe ram le USA zong an thin a hung ngaingai caah anmah le an sian tawk in Ukrean cu hriamnam a phunphun in bawmhnak an peek i,a hlei in US lebang nih cun hriamnam ttha a peek,cu a peek mi hriamnam cun Russia ralkap cu an doh taktak hna cu

Russia ralkap pawl cu lutaw hngal lo in an zaam thluahmah i, thla 5/6 chung i Ukreane ram an laak mi pawl zong cu an chuh thluahmah cang hna,hi ruangah Russia nih hriamnam ttha ka ngei tiah aihrocer tawn mi cu vawleicung ramkip nih a sining an theih cang caah zeite ah an reltuk ti lo.Hihi a mah te in Russia nih hin ainiamter khi a si ko.Cucaah an president PUTIN cu lungrawk in a um ko cang ti hmuh khawh a si.Ka peh tthan te lai. Crd; Tin Duh Thang

MYANMAR RALKAP( RALHRAANG ) AN DIRHMUN!! Chief of Defense Staff (Army) prior to 1988 (KAF-70(8)66) nih a thang mi bantuk cun Burma ralkap hna an full strength cu Army combat infantry/infantry battalion pakhat ah hin Officer 27 le ralkap rank dang 830 an um lai ,an dihlak cun ralkap 857 an um ding asi.Cubantuk a si ahcun Battalion 522 an an ngeih caah ralkap full strength cu 875 x 522 = 456,750 an si lai i, Airforce, Navy ralkap he fonh ahcun ralkap hi 500,000,ting 5 ralkap ngei bantuk in an i chim tawn.

Tukum August thla chung i Kachin State Mokaung khuaah No. (3) Operation Command Headquarters (SKA-3) hmun in Secret Telegram report a chuak mii chung i a langh ning i an tang ah hin battalion 10 lakah 383 th, 386th 338th le 389th battalion ahcun ral a doh kho mi ralkap hi 100 hmanh hi an um tthitha ti lo tiah theih a si.

Kan theih mi thawngpaang hi a diklo ti zong khi hei si sual hmanh selaw Battalion Headquarters leiah hliam a tuar mi le damlo le ralkap in ai din mi hna he fonh leen zongah Battalion khat ah minung 200 hi a tambik i tuak zongah Myanmar ram pumpi ralkap sakhan kip in Battalion 522 a um ti fianigte in record a si ko caah 200X 522 = 104,400 (over one hundred and four thousand) lawng an um cang t sii.

Burma Military Council ralhraang hna hi Myanmar ram chung State kip ah chiah an si hna ,hi ah hin Battalion 700 tuk an ngeih tah theh mi zong a si ve.Kum khat chung ah hin State kip miphun ralkap le PDF le CDF,KNU,KNA,AA,CNA,TNLA tbt nih hin theih khawh mi ah ralhraang sakhan hi 100 reng lo an laak cang ti a si.

A tu Myanmar ram ah ral a kap khotu tiah an ti mi hna Infantry Batalion / Fast Assault Battalion (ခလရ/ခမရ) belte hi 522 Battalion an um ti si.Cun a dang i a um mi paoh hi , um hmun chuahtaak ttha lo le Medical, Signal le Supply & Transport Battalion-hna an si.Ralkap 10 tluk an um nak hmun hi Basic Combat unit tiah kawh a si i, Section khat ti asi.An haotu zong Section Commander tiah kawh a si fawn.Ralkap sen hnih /khat a si mi Coporal /Lance Coporal nih a hruai tawn hna.

Section 3 a um mi hna hi Platon tiah kawh an si ve hna , an haotu hi Platon Commander a si.A sining phung ah cun rlkap 30 a um ding an si . JCO a phan mi hna nih maw ralkap officer a si thar mi Lieutenant nih a hruai tawn hna.

Platoon 3 an fonh hna ah hin ralkap 100 tluk an um tiah ti an si i,ralkap company khat tiah kawh an si i, an hruaitu zong company Commander a si. Ralkap Officer phan mi Captain maw /Major nih a hruai hna. Nikum 1Febuary 2021 ah khan 104,400 an rak si i,kumkhat renglo ral an tuknak i a thi mi le ralitu kho ti lo in hliam a pu mii pn ah CDM a la mi le a zaam mi hna hi 30,000,Thong 30 renglo an si.

Cucaah A tuthla Septembar 2022 tiang ah hin Myanmar ralkap(Ralhraang )kan ti mi hna hi Battalion 522 chungin ral a do kho mi hi 74,400,Thong 74 le 400,hi a tam lei in ral a tu kho mi an si an ti.

Note:Myanmar ram chungah,Ram kulh 7 le ramthen 7 ah ralhraang van tthen hmanh usih:Kawlpawl umnak an ram ramthen 7 ah khin thong 50 an um ter hna hrimhrim a hau,hi cu an um ter ko hna lai,a fiang ko.Cun,Kachin ah hin Thong 5,Karen State pumpi ah hin Thong 5,Shian State ah hin Thong 5,Arakan State ah hin 3000,Mon State ah hin 2500,Kayin State ah hin Thong 2500,Chn State ah hin 1500,kha ti khan tthen khawh an si hnga. Crd; Tin Duh Thang

Be First to Comment

Leave a Reply

Your email address will not be published. Required fields are marked *