Press "Enter" to skip to content

Israel Miphun Tlau Kan Si Tiah Ai Ruat Mi Mizo Minung 112 Cu Israel Ram Lei Panh In An Tlung

Israel miphun hi ram dangdang ah saltang in an rak vak lengmang tawn. A sinain, vawlei cung buainak a deih hnu ah an hruaitu upa pawl nih ramdang i a um mi an mipi pawl cu an kawl than hna i, An chuahkeh nak an ram te ah an hruai than tawn hna.

Ethopia ram i a um mi pawl zong an rak hruai than lengmang cang hna, Ethopia hi midum um nak ram a si nain Israel miphun an rak um thotho. Siangpahrang Solomon nih Sheba Bawinu a rak ihpi i an fa le pawl cu midum Israel an si, Sheba Bawinu kha Solomon siangpahrang sin ah thla 6 chung a cam.

Mizo 112 zong Israel miphun tlau ah an i ruat i ‘Law of Return’ hmangin Israel ram lei an va panh. Israel miphun tlau (10 tribes) lak i pakhat Shevet Menashe hnam an si ruangah hruai than mi an si.

Tutan hruaithan nak ah hin, Ethopia ram in minung 3,000 cu Israel ram ah an kir lai. India ramchung in 7,000 an kir lai. Hlan lio i an hruai mi pawl hna Manipur in 123 le Mizoram in 112 cu Israel ram ah kir an i timh cuahmah lio a si. Mizoram in a kirtu ding pawl cu group thum ah an ṭhen hna, group pakhatnak cu December 7 ah Lengpui Airport in Delhi an panh cang.

Group pahnihnak cu nai ah khan Lengpui Airpoirt in an i thawh cang i nizan kha Kolkata ah an riak i tuchun caw nithum ah Delhi lei an panh lai. Group thumnak cu December 10 ah Delhi an panh than lai.

Delhi ah an i hngak hna lai i December 13 zanah Israel vanlong El Al nih a phurh hna lai i December 14 ah Israel ram an va phan lai. Israel miphun tlau kawltu le hruai than tu pawlkomh Shavei Israel Organization nih zeipoh an buaipi dih lai i, Israel ram an phanh tikah cun Minister of Alyiah i hruai nak in an rak don hna . (Ref: Zo Rin).Credit : Meifar

Be First to Comment

Leave a Reply

Your email address will not be published. Required fields are marked *