Press "Enter" to skip to content

Japan Cozah Nih Kawlram Ralkap Zocah Cu nKa Zoh Sawh Sawh Ti Lai Lo Tiah A Chim Ve Cang

Kawlram buainak he pehpar in ramkip a ummi kawlram mi pohpoh chung sivang le umtu awk thei loin um ciao a si i mahle sikhawh tawk ciao in lungfah nak le ngeihchiat nak langhter ciao a si, a tak te tiko ahcun kawlram chuak a sive komi caah cun thinlung fahlo awk hrim a ttha lo.

Kawlram khuapi hmunkip ah duhlonak langhter cuahmah a si i tutiang dirhmun ah mipi nih an tem taktak cang.ram kilveng tu ding police le ralkap nih cun rammi mipi kilven le humhim loin mipi thinlung fak i duhlonak a langhter mi hna cu fahnak tam taktak an pek hna. Hriamnam le meithal he an zuanhnawh hna i thisen tampi a luang cang i a tu hnu ah zei dirhmun dah kan phanh lai tihi theihthiam khawh a si tilo.

A tutiang kawlram buainak he pehtlai in rammi lawng silo in vulei cung ramkip nih kawlram cu a ngeihven i a buaipi ngaingai.kawlram mino pawlkomh bu nih Janpan sin ah nawlnak le bomhhal nak ca zong an kuat i cucu Japan nih ttha ten a cohlan i kawlram kongkau ah biatak ten rianttuan ai tim.

“Hriamnaam hmang in mibu then/thek i minung thisen luan tiang i an tuahsernak hi zeitihmanh in ngaihthiam khawh an si lai lo,” tiah Japan Cozah nih fakngai in mawhchiat nak bia a chim. Ralkap le Palik hna nih rammi mizapi cung ah hi bantuk tuahsernak hi ngol zokzok cang hna seh, tiah fakpi in forhfial ka duh, ti zong a chim chih fawn.

Be First to Comment

Leave a Reply

Your email address will not be published. Required fields are marked *