Press "Enter" to skip to content

Japan ram ah:Tih nung taktak mi thil pawl an chuak.

JAPAN ah Covid19 Nih A Thahmi Nakin Amah Te Aa Thatmi An Tamdeuh: Japan hi a buaktlak in leicung ah mah te i thah a tambik ram an si. Coronavirus aa thawk thla hnih-thum kha 100 ah 50 hrawng a rak zor. Asinain Covid19 ruang ah rian khar a van sau tikah khuasaktintuk an har hna, umhar le lilen a celh lomi lungzawtnak a ngeimi an karh caah October chung lawng ah minung 2153 anmah tein an i that.

Aa thatmi hna lakah pa hi an tamdeuh zungzal nain tu kum October cu nu an tamdeuh. A ruang hi Japan ah nu tampi Tourism, Rawldawr, Hotel le mi he pehtlaih riantuan an tam le mah pawl hi Covid19 nih a denmi rian khar le ngol a tammi a si. Ni kum tuak cun tu kum October i nu aa thatmi cu a let deng an si. Sianginn an van khar i rian he fale he zohkhenh awk a tthat lo caah lungrawk in a ummi an tampi. Rian ttuan lo ah le ei awk ngeih lo a si. Cucaah mah ti aa thatmi an tam hi a si.

Ni kum October he tahchun ah tu kum October i aa thatmi Japan pa hi 22% in an tamdeuh.Japan ah Covid19 aa thawkka in Coronavirus in a thimi 2057 an si, le October chung i aa thatmi 2153 hi a tamdeuh.Laimi Khrifabu riantuantu hna atu bantuk caan ah hin chawva le zeidang thilri theng in a si lo zong ah Khrifabu chungtel pehtlaihnak tuah, thawng i hal le Appointment i pek in zung ah luhchuah le bia i ruah tiang hi tawlrel kho ulaw ti saduhthah a si.

Mental Health hi atu bantuk caan ah a tongmi kan tampi lai, biaruah le thla i cam piak hi Khrifabu rian taktak a si lai.Pastor na si i Covid19 caan chung ah na Khrifabu chungtel bau loin phone tel na chawnh rih hna lo a si cun a poi tuk lai.Teirial catial tu page le like

Be First to Comment

Leave a Reply

Your email address will not be published. Required fields are marked *