Press "Enter" to skip to content

Joe Biden Cu Boot Ai Khat Lomi I Bunhin Mipi Hmaiah A Chuak Cang

US president thar si ding i President a ttuan cuahmah liaomi Donald Trump a zuam cawhtu Biden cu November 29 ni ah a uico he lente an i celh i a ke ruh fakngai in a rak i khawng tiah kan rak theih. A maha zohkhenh tu Doctor pa nih Biden cu a orhlei keruh pahnih a kiak tiah a sibawi pa Kevin nihcun a chim.

Sibawi panih zarh khat hrawng a tuamhlawm hnuah Joe Biden cu medical boot bunh loin smart shoe pakhat le boot dang pakhat ai lomi i bunh loin mipi hmaiah a hong lang. A sibawi pa nih can zeimaw zat chung cu Medical boot a bunh a hau timi a rak chim cang nan, tul ding thu a rak phuang nan,ram cangkang le thiamnak a san caah a si lai can raulo te ah boot sawsawh i bunh in ai chokkho colh.

Biden nihcun “ka tak kai kholh thlu khawhka ah ka uico he bawlung kan chuih i ka tlu tiah a chim. Aw a sitthan loh kan capo nak hna a si. Ka uico he kan i dai i ka tlu sual i kai khawnmi a si, cuti cun ka sibawi pa nih boot i bunh peng dingin a ka chimh nan, hna a hnok ka ti le boot ai khatlo mi hi lengchuah nak ah kai bunh tiah a chim.

Kum 78 a tling cangmi Joe Biden cu mi tampi nih a upat tuk cang,mu le mal zong a nei ti lo,a bu aa tuk cang i US president dingah a tling lo tiah an soisel peng nan, turih ahcun dik lo takin US president thar i thimnak ah hmai a hruai i Trump lei nih Court ah an tei khawhlo a si cun US president ttuan ding cu a si. Turih ahcun Trump lei nih Court ah an dokalh oeng rih i zeihmanh bia felfai a um rih lo. Supreme Court ah Trump team an sungh sual i Biden cu US president thar ah phuan asi ahcun US president tuanbia ah kum upabik president ttuan kho ding a si. ( AP, Reuter )

Be First to Comment

Leave a Reply

Your email address will not be published. Required fields are marked *