Press "Enter" to skip to content

Joe Biden nih:America mipi sin ah’Biachim nak a ngei cang’A ropui ko.

Democratic Presidential Candidate Joe Biden nih cun ningani ah khan mah ti bak hin bia a chim. America mipi hna cu US President Office ah rian tuan a thawk hnu ni 100 chung cu Mask hmang ding in a nawl hna.

Interview an ngeih nak ah Joe Biden nih cun America mipi hna cu US President Office ah rian tuan a thawk hnu ni 100 chung cu hmaituam nak Mask hmang dingin a nawl hna. US hi vawlei cung ah cun Covid-19 mizaw an tam bik nak ram asi. America ram mipi tampi nih cun Covid-19 zawtnak hi an tih lem lo i, hmaituam nak Mask zong an hmang duh loh. US ram ah Covid-19 zawtnak a zual khun nak aruang cu a ram mipi hna nih tha tein mask an hman duh lo caah asi.

Thawngpang dang zong hi relchap ko uh:

USA nih Coronavirus cu an Control kho bak lo i a luancia suimilam 24 chung ah minung 228000 deng an hmuh chap hna. Mah cu ni khat chung i hmuhmi lakah a tambik Record a si tiah The Atlantic le NY Times nih an ttial.

John Hopkins University-Data ning ah kan hnu zarh i 217000 kha a lonh. Ni fatin Covid19 in American 1000 hrawng lengmang a buaktlak in an nunnak a liam, i November dih zarh le tu thla thawk zarh ah 2000 hrawng hi nitin in an thi ti a si. Tu zarh ni-ngani lawng ah 2607 an thi.

March ah khan president Donald Trump nih Coronavirus cu cikhat te ah a tlau colh lai a tak ti nain tu hi a zual lei a panh pinah Covid19 aa chonhmi American 14.3 million an si cang i 279000 nunnak a liam cang.A tang lei zong relchap law Teirial catial page zong hi like le follow kan tuah piak ve uh.

US Election cu tuchunni tiang buaibainak in a khat i, Democratic Joe Biden lei nih teinak kan hmuh cang an ti na’in, President Trump nih cun Vote dik lo ruangah asi ti’ah kianh a timh loh. Tu December 5, 6 ah hin States kip nih Election Certification cu GSA ah report an pek dih a hau i, Ni 14 December,2020 ah Electoral College nih President ding Votes pekin an thim cang lai. Trump nih cun,EC Votes ka sunghah cun Biden hi President ah ka kianh lai ti’ah a chim cang.

US President sinak dingah zulhding phunglam (Procedure)an nei mi ah cun, General Services Administration(GSA) nih 23 November,2020 ah Presidential transition a onh hnu in, President nih a thimmi Ministers, Security Staffers le Whitehouse Staffs ding Mi- 2000 pawl cu backround Security Checkup tuah ta dih an hau i, a ong mi lawng lawngnih Whitehouse chungah lutkhawhin rian an tuan khoh lai.

President elected an timi Biden nih Ministers-6 le Security Staffers-18 Transition Team pawl cu Trump tangi US Defense Intelligence, National Intelligence Agencies Pawlnih backround zoh/ checknak an tuah duh rih loh ca’ah an buai tuk cang.Trump nih Biden zong Whitehouse chung ah luhter a sianh fawn loh. Tuhlanah cun, First Lady’s”Tea Party” zong 1 December poh ah an hmang tawn na’in, tu Kum cu atu tiangin an hmang rih loh.

Ni.9 November, 2020 ah khan President Trump nih Defense Secretary Mark Esper le bawizik-3 a phuah hnu ah khan, amah mizumh America Indian Kash Patel le American Jewish Mr.Ezra- Cohen Watnick cu Acting Secretary le Under Secretary of Defense for Intelligence & Security ah a chiah hna. Hi hna pahnih nih hin John Ratcliffe, Director of National Intelligence le Sue Gough, Director of Defense Intelligence tangi backround Security Check Boards cu an thlaih dih. Biden Teams pawl cu zarhhnih leng Checking an tuah duh hna loh.

Joe Biden Transition Team hna hi, spokesman Ned Price le Ex-Director of Defense Intelligence Agency, Vince Stewart nih an hruai hna na’in, Trump Teams lei pawl nih an tuah duh rih hna loh ti’ah Biden Spokesman Ned Price nih a chim/ a au khuang len cang. Biden nih cun Trump chiahmi John Ratcliffe, Director of NIA hi thlak i, amah thimmi Avril Haines chiah dingin General Services Adm. ah heh ti’ah a hal len hna.

Pentagon i DIA le NIA nih Biden Transition Team pawl backround checkup an tuah dih hnu i, an ong hnu lawng lawngah Officials in Cozah rian an thlaih kho fang te hna lai. Cuca’ah, Trump nih Biden hi President ah a pawm hnu in, Order a pek hnu lawngah Biden lei nih Cozah an siam khawh te lai. Election kongah biatak te’in buaibai dawh ding an si rih. Van hngak rih hna usih.
You sent Today at 09:01

Be First to Comment

Leave a Reply

Your email address will not be published. Required fields are marked *