Press "Enter" to skip to content

Joe Biden nih:Baible hmang in biakam nak a tuah lai.

US President dingah Joe Biden cu Bible he biakam nak tuah dingah ralring taktak in bia a chim than cang. Coronavirus a karh than caah Joe Biden nih a ra laimi canah Bible ca he biakam nak puai cu minung tlawm deuhte he lawng tuah dingin ninga ni ah a chim. A luancia kum 4 ah Donald Trump nih Bible he biakam nak puai arak tuah lio minung le tukum puai cu khuaruah har in an I dang lai tiah chim asi dih.

America pi zong nih ara laimi January 20 ah Bible in biakam nak puai tuah nak ding picu timh cia tein an um cang. Joe Biden zong nih a mah caah awngpuai tuahnak puai picu ruahchan nak a ngeih tiah a chim. Cun hi puai an tuah tik zongah minung phu phu in zohlo dingin a chim chih fawn. A ruang cu coronavirus zawtnak a karh sual nak hngalo mipi nih ralrin taktak aherh tiah achim fawn.

Timh tuahnak a angeih nak ahcun Penssylvania lamthluan piah Bible he biakam nak puai cu tuahlo dingin ruahnak ka ngei. Asinain internet online live tuin mipi nih zoh khawh dingin kan tuahlai. Hi bantuk kan tuah nak thawngin a hlan nak hmanh in mi tampi nih an zohkhawh dih lai tiah Joe Biden nih Delaware state Wilminton in a phuan. Sourece: VOA

Thawngpang dang:

Mipi nih kan hngah hlangmi US thimnak result kongah thawngpaang dang kan vun thanh tthan. Thanwgpaang hi tu le tu aa thleng ii a sikhawh chung in thanh kho le update tuahkhawh ccolh kan I zuam lai. US thimnak kongkau ah Trump nih bia a vun phuan ve hoi cang.A bik in mee diklo kogkau ah a chimmi hi an si a tanglei ah fiangfai deuh in rel khawh izuam.

Trump nih Nevada vote diklo mi kong cu fiang taktak in a van phuan than cang. Nevada ah hin a tu dirhmun ah Biden nih vote 33,569 bak in a tei cuahmah lio asi. Asinain Trump nih Nevada Vote diklo mi kong cu fiang taktak in a van chim. Trump nih Vote dik lomi hna cu mithi vote 1500 nak tam hmuh asi. Cun minung 42,248 hna nih voi tampi vote an thlak nolh tiah a chim. A sullam cu Trump nih hin vote dik lo a chim mi hi hmu than sehlaw Neveda ah Trump nih teinak a hmuh lai ti nak khi a si.A tang hi a relchap duh mi hna caah

Ka rak chim ning tein CNN zong nih a chim ve cang hi November 20 ah ka rak tialmi ning tein a tling cuahmah cang ko hi. Trump cu teinak lam a zawh cuahmah cang. CNN zong nih ka chimmi lam (Phunghram) ah hin Trump ca ah teinak a um, state pakhat cio nih an thim te lai i phung ning tein Trump nih a tei te ko lai a ti cang ko hi. Nov. 20 ah ka rak taarmi kha ka taar than ko hi. Tlawmpalte ka remhmi le ka chapmi a um.

US thimnak hitihin a buai peng rih ah cun president hi zeitindah thim a si lai? Zei can dah a rauh rih lai? 2000 kum thimnak ah cun thimnak ni hnu ah ni (36) tiang a rau. Kum 1876 thimnak ah cun November in March tiang a rau. Kum 1824 ah cun tanglei aiawhtu (House of Representatives) nih president cu an thim. Atu i kan aupi i kan cuanh cuahmahmi electoral vote in an rak thim lo. Cucaah atu tan thimnak hi zei can dah a rauh lai ti chim khawh zong a si lo cu pin ah hi electoral vote vialte a fian in president cu a fiang cawlh lai ti khawh zong a si lo.

Cucaah atu ah kan cuanh ciomi electoral college hna i an cunglei ah hin nawlngeitu an um rih ti cu a fiang. Mee relnak hmun (electoral college) cio nih mee an pek cio mi zoh in a tlangpi in president cu thim a si tawn. Sihmanhsehlaw thil aa ningcang lomi a um ahcun hitihin a dotdot in a si kho rih. (1) Electoral vote nih teinak a pekmi cu mee firnak tbk aa ningcang lomi a um ahcun state phungtlaitu (legislature) hna nih an thlen khawh rih.

Atu ah hi legislature pawl mee firnak kong mithmuh tehte pawl nih an chimmi cuan ngaih cuahmah liopi a si. Aa thuimi (swing) state legislature pawl hi Republican (Trump lei) deuh ngawt an si. (2) Cu state legislature nih teinak a pekmi cu ramukbawi (state governor) nih veto nawlngeihnak in a thlen than khawh ve. Sihmanhsehlaw hmailei thimnak ah mee kan hmu sual lai lo ti phan ah hihi cu ramukbawi hna nih cun an tuah ngam lai lo.

(3) Cu ramukbawi nih teinak a pekmi cu minung (435) ummi tanglei aiawhtu hna (House of Representatives) nih an thlen than khawh ve hoi. Atu tiang ahcun tanglei aiawhtu (house) ah hin Democrat lei nih thutnak (222) an hmuh. Republican lei nih (209) an hmuh. Nizan ah Trump nih a chim ning ah cun tu kum ah Republican lei nih house thutdan (12) an hmuh chap ti a si. Cucaah Republican lei nih thutdan (211) an hmuh cang tinak a si.

Cun house ah a thumi Democrat cheukhat nih Biden cu an duh lo caah Trump kha mee an pek khawh men. Cucaah Trump nih tei dawh a si. Biden nih a tei sual hmanh ah a cungah senate aa um rih. (4) House of Representatives nih teinak a pekmi cu minung (100) umnak cunglei aiawhtu (senate) nih a thlen than khawh rih. Atu tan ah hin Republican lei nih senate thutnak (50) an hmuh cang. Democrat lei nih (46) an hmuh party dang nih (2) an hmuh.

A taangmi thutdan (2) zong hi Republican lei nih hmuh dawh a si. Cucaah senate nih president a thim ahcun Trump nih teinak hmuh ko lai. (5) Senate nih teinak a pekmi kong ah a buaibai rih ahcun state cio nih mee thlaknak in president cu thim a si te lai. State pakhat nih mee pakhat lawng thlaknak nawl a ngei.

Cuticun state cio mee thlaknak tiang dirhmun a phak ahcun Trump nih a tei hrimhrim ko lai. Zeicahtiah atu tiang thil sining zoh ah Democrat state cu (23) an si i Republican state cu (26) an si. Cucaah phunghram ning tein a kal ahcun Trump nih a tei hrimhrim ko lai. Trump a duh lo tukmi CNN zong nih cucu a chim cang. Cucaah Trump lei a tangmi pawl nan lunglawm ko u! Ref: Rev. Biak Lian Vel

Be First to Comment

Leave a Reply

Your email address will not be published. Required fields are marked *