ka dawt na rak tuh cg mi Dawtnak thlaici kha a thei a tlai cg na Rian tuan hawi hna le na nau le vialte nih luthap cia in an tho dih

Tlangzar pawng kahdoh nak ah CDF Pasal Tha nun nak a Liam mi Salai Thawng Tha Peng A thaisung nih a ttial mi Ca te van rel cu lungthin a fak chin ko e Ka dawt mui dawh vakok nun ngei pasal tha Na aupi mi pennak thawng tha cu na nun in na chim PaThian nih Rian a ngei lo mah minung hawi Rian i tuanpiak hi PaThian Rian a si na ti, pasal tha na sinak cu na pumrua le na muisam ah a si loh na thinlungput tu ah khan a si .

Na nau le nih khan mu na dihdongh hnu zgah na Rian chawngtu i thim an duh lo an ti , kuanfang ruahsur in a sur lio zgah a nau le kha an him hnga maw bomhhau mi an um hnga maw tiah a vak an ti ral nih an kan kulh dih i kan thi dih cg lai kan ti lio ah kan dihlak thih dg a si kho lo keimah tu hi ka tek lai le an ka kahkar ah khatlei in rak tek uh akan ti le kan tah cuahmah buah kan in zulh ve lai ti zg ah duh lo in a mahte lawng a tek an ti,

ka dawt na rak tuh cg mi Dawtnak thlaici kha a thei a tlai cg na Rian tuan hawi hna le na nau le vialte nih luthap cia in an tho dih kan sem nak TlangKhua hi pasal tha hna len nak ram ti in ceihphai dai ti lai lo. Na dawt cukmak mi na fa pa nih ka thinlung a ka khekkhuai dih nunu ka pa sii dinh uh veve dinh uh a dam ko lai papa nih a ka pawk lai a ti le an kawl lengmang ee,

a sinaan mu ka dawt Kan biak nak phung a hrawk i hramhram in uk nak a la tu ram pumpi a kan pamhmai tertu doh nak caah cun nunnak pakhat te lawng kan ngeih mi pek hi a phu ko ngaktah tuar zg a phu nuhmei tuar zg a phu ko , UPat nak sang bik kan pek kan mah lawng kan tuar hrimhrim loh na miphun hawi dih lak nih hacang rial in an tuar dih cio ee kadawt

Hitluk in ramchung um mi ramleng um mi vialte nih kan ngaihchiat nak Nan kan tuar pi cawva in siseh nihlawh sampal in si seh Nan kan dawt nak hi Bawi pa tu nih in cham hram ko hna seh . By Salai Thawng Tha Peng Thaisung nu. Credit: Rody Par

Relchap>>><<< 1962 kum hnu Rangoon University buainak ! 1962 kum March thla ni 2 ah General Ne Win nih democracy phunglam in thim mi U Nu cozah sin in ralkap thazaang hmang in rampi uknak nawl a laak. Ram President, Prime minister, cabinet members pawl le tlangcung mi hruaitu upa cheukhat a tlaih hna i hrenginn ah a khumh hna.

Gen. Ne Win ralkap cozah nih cun 17 May1962 ah mah tein a rak i-ukhruai mi Rangoon Uni-versity cu cozah uknak tang ah chiah ding in a thar in phungphai thar an ser piak hna. University Council i Adipadi (Chancellor) ah ralkap bawi Brigadier General Than Pe, Brigadier General San Yu le ralkap bawi dang an telh mi hna le Rector ah 1958 kum Caretaker Government lio i Minister U Kar an chiah mi le phungphai thar an ser piak mi hna cu siangngakchia pawl nih 1962 kum 7-8 July ah faakpi in an duhlonak an langhter lio ah ralkap nih siangngakchia 100 ringlo an rak kah hna ti si.

Mah cu lio i siangngakchia pawl kaaptu အမှတ် ၄ မြန်မာရိုင်ဖယ်တပ်ရင်း – No. 4 Burmese Rifles Battalion CO cu Lt. Col. Sein Lwin (1988 kum i Kawlram president ni 17 chung a rak ṭuan mi) a si. Cu siangngakchia pawl a rak kaaptu hna cu Chin ralkap an si tiah Kawl le mi cheukhat nih an rak puh hna. Mi cheukhat cu tuchun ni tiang aa zumh zong an um. Nithla 8 July 1962 zingka te ah Rangoon University Union Building inn pi cu dynamite bomb in an puah i Siangngakchia 3,000 ringlo an rak tlaih hna, ti si. Buainak ruang ah sianginn an khar mi cu mah cu kum November thla ah an hun ṭhan i a hmai kum November thla ah an buai ṭhan i an khar ṭhan.

Ne Win ralkap cozah nih ram uknak nawl an vun laak hnu in 1964 kum chung ah kha hlan i political parties, associations, organizations, clubs tibantuk bu derh mi vialte cu an hrawh dih hna, Student Union zong cu hrawh mi ah aa tel ve. Khrihfa bu nih ngeih mi sianginn, si-inn le training colleges vialte cu cozah uknak tang ah an chiah dih hna. Khrihfa bu derh mi sianginn pawl nih Kawl biaknak nunphung le miphun ṭanhnak a bawm lo, a zorter tiah an hmuh. Cu in 1966 kum ah ramdangmi Khrihfa bu rianṭuantu missionaries pawl vialte cu Kawlram in an ṭhawl dih hna.

University siangngakchia cheukhat hna cu hriamnaam tlaih in cozah a doh mi bu Communist Party le a cheu cu tlangcung mi hriamtlai bu sin ah cozah doh ding in an i fon hna. Ne Win cozah nih siangngakchia a rak tlaih mi hna le political activist cheukhat cu Coco island an timi Coco tikulh ah an rak chiah hna. Mah cu an chiah mi hna chung ah atu Min Aung Hlaing ralkap cozah i State Administration Council ah aa tel ve mi Padu Mahn Nyein Maung le Pi Aung San Suu Kyi lawyer U Khin Maung Zaw zong khi Coco tikulh ah thong a tla bal mi an rak si.

1962 kum in 1975 kum karlak ah University siangngakchia hruainak in le i tel in ralkap cozah dohnak an tuah pah lengmang. 1969 kum Rangoon khuapi i tuah mi SEAP/SEA Games an tuah lai ah an rak buai. Rangoon, Mandalay le Moulmein i university siangngakchia cheukhat sianginn in an chuah hna, acheu hrenginn ah an chiah hna. 1970 kum ah Rangoon University Golden Jubi-lee tlinnak an tuah.

1962 kum July thla i thil a rak cang mi kong an ṭial mi ca an chuah. University sianginn vialte an khar dih i siangngakchia cheukhat sianginn in an chuah hna, acheu thong an thlaak hna. 1974 kum ah Rangoon khua Thamaing puanthaan tahnak sehzung le Simalike i ti-lawng serremhnak rianṭuantu pawl nih duhlo luntlinlonak an tuah lio ah siagngakchia nih an telpi hna. Rianṭuantu pawl cu ralkap nih an rak kah hna i hmapu le a thi an um.
Peh ṭhan te ding. 1974 kum December thla i U Thant ruak vui buainak cu Ne Win nih U Nu he a remlo hna nak in aa thawk mi a sinak kong.