Press "Enter" to skip to content

Ka mino hawi nih lu an pek i thisen le thlanti he dothlennak an tuah lio ah kei cu a lang hlat dai tein ruahnak hmuhning rakchim lengmang ve hi ka thisa nih ngamh lo

Ka mino hawi nih lu an pek i thisen le thlanti he dothlennak an tuah lio ah kei cu a lang hlat dai tein ruahnak hmuhning rakchim lengmang ve hi ka thisa nih ngamh lo. Ka mino hawi hna Ralzaam in a himnak hmun a panhmi Fb ah an hmanthlak le

an lenvahnak an post ka hmuh ah khin ka ning a zak, dothlennak a tuah lio kan unau nih anmah bantuk nun nuam khi an duh ve ko nain atu ah an i thim ngam rih lo mi a si ti kha an thei lo i dothlennak tuahmi nih ka hngar hnaseh tiphun in aa post mi ah ka ruah hna.

Chan he ai tong ko mi hriamtlai kho mino nih hriamtlaih le ramcaah harsatnak tuar zuam lo in nuamhnak an i tlaih hmasakmi ka hmuh ah ka ai a puang. Social Media ah RIP hei ti lengmang kan upattuk hna hei ti lengmang i zurit caan le mawlmok caan vial ah hei soi lengmang khi ka huat tak.

Kei cu raltlaan mino ni sining law Fb ah comments zawng ka ngamh lai lo a thicia midang daidep kaa thup lai. Khua le ram peng le tlang zawng ah hman awk tlak lo mi mah duhlung poh in ruahnak CDF le CNA ka hei pe ve hna ka hei soisel ve hna ti khi cu ruah hau tukmi a si.

zeiruangah an ruahnak an chim ngam ti ahcun zu dawr le zu ruang theu ah ka cohlan. Kan lai hla ah a saakong an van ticun timi hla ka ka theih chuak tawn. Uiseh hmang khi nunchimh in va hro thawl ah khin a chimtu sehle nawn timh in boh(sehtimh) a hmang cubantuk cu

kan Lai Social Media ah an tamtuk i Chin Social Media Holh tam Person of The Year pek bak ka duh hna. Miruahnak hmuhning pawm lo ruang i mi dang mihrut ti le volhpamh hman hi hruh vialte lak ah hruhfakbik ah ka pawm!

midang kha kan ruahnak kan hmuhning bantuk in umter khuasakter lairel ter timh hi ning hngal fakbik a si pin ah Minung Kan covo i chuh le i lamh behpiak tluk ah ka ruah. Khuapau dothlennak Ngaidem tang in khuaruah

Be First to Comment

Leave a Reply

Your email address will not be published.