Press "Enter" to skip to content

Ka Nu Lu Cu Doctor te nih Pehthan Ko Hna Seh Ca A Ti Tu A Nu Hnawng Tantu Nu Cu Court nih Sual A Phaw Lo

Western Sydney khuapi ah a um mi nu pakhat kum 27 upa Jessica Camilleri timi nu nih cun amah a hringtu a nu bak faktuk in a thah tiah theih a si . A nu he bia an i el hnu ah a thin ai sum kho tilo i coka ah namte ava lak i a nu cu voi 100 leng bak a sawh ti a si i a nu ruak cu midang hmuhkhawh ve dingin an innleng ah a thlai .

Cu thawngpang cu palik pawl nih an theih tik ah a ran nak in cu nu cu an va tlaih colh ve .Thil sining tha tein dithlat a si hnu ah a mah hringtu nu bak a that tu Jessica hi sualphawt a si lo tiah theih a si than .NSW Supreme Court nih cun Jessica hi lainawn case in sual a phaw lo i a sinain midang caah hnahnawh nak a tuah ca tu ah hremnak fa te lawng pek dingin bia a khiah piak .

Hi lainawn nak kong he pehtlai in thil sining a dithlat tu hna nih an chim mi cu ‘Jessica” hi sual phawt a silo nak a ruang bik cu thinlung lei tlamtling lomi a si caah sual an phawtlo nak cu a si .Jessica hi a hngakchiat liote in a hawile thinlung hi a pha kho lo mi a si i a poibik mi cu a thinlung ai control kholo mi a si .

A hun gpuitling i a thinlung lei cu a buai chin lengmang i hawi a tluk kho thai tilo i movie a zoh zong ah hin mithat nak film le thisen chuak mi pawl lawngte cu a zoh duhmi a si tiah a mah kong a theifiang tu sin in theih a si fawn .Palik pawl nih an inn an va check lio zong ah Jessica room chung ah hin “The Texas chainshaw massacre’ le ‘Jeepers Creepers’ movie copy pawl cu an hmuh fawn ti a si .

A nu a thah hnu ah hin a nu lu cu a tan i an inpa hna innpang ah va tar ai tim nain a thlak sual i cuhnu ah cun a mah innleng tu ah a tar than nak a si an ti .Palik pawl an inn ah an va phak zong ah hin a nu lu cu doctor te thiamnak hmangin pehthan hna sehlaw a si ko hme cu tiah a rak ti huar hna ti a si .Palik pawl nih cun thil sikho a si ti lo tiah an leh hnu ah ai thawh than i “a si ah cun a nung than kho tilo tinak maw a si ne lai?” tiah a hal chih than hna ti a si .

Palik bawi pakhat nih cun “na nu lu a um tilo ah cun nangmah nih na tanpiak tinak a si ko cang cu ta ‘tiah a ti hnu zong ah Jessica nih cun a theithiam hlei lo ti a si .Curuang ah cun Jessica hi a thluak a fim lo i a thinlung lei zong a buaimi a si ti an theihfian hnu ah cun a nu a thah mi zong ngaihthiam a si than tiah thawnglatu nih cun a tar langh . Source : Dailymail

Be First to Comment

Leave a Reply

Your email address will not be published. Required fields are marked *