Press "Enter" to skip to content

Kaam Lo Pasal Tha Dr.Sasa Hmangin Kawl Ralkap Pawl An Thar Phuhri In An Hruai Cang Hna Lai

Dr. Sasa hmang in Kawlram ralkap bawi pawl tlaih dih an si kho men cang hih. Tulio Kawlram mipi nih kan bochan mi le CRPH UN palai a simi Dr. Sasa nih UN ralkap a uah cang hna. Kawlram ah UN ralkap hman ding in UN General Secretary sinah ca a kuat cang. Tuzan hi UNSC nih innka khar khumh in an ceih cang lai. Mah bantuk ralkap nih uknak lak i mipi thah le nawn hi UN nih a huat taktak mi le UN phunglam buar a si cang.

Dr. Sasa nih R2P timi UN ralkap hman ding nawl a hal hna. Mah hna nihhin Kawlram cu ralrin an pek lai. UN nih voitam ralrin a pek cang. Sipuazi pehtlaihnak a phih lai. Sipuazi tamtuk an phih cang hna. A tang mi cu Kawlram mipi humhim ding ah UN ralkap hman lawng kha si ko cang. Cu caah Kawlram ralkap hruaitu upa pawl cu UN ralkap nih tlaih i ICC ah tazacuai i an hngawng in hri thlai maw, meithal in thilak kah maw dantatnak an i huat ko cang lai hih. Cu ruang ah Dr. Sasa nih UN R2P a halmi hi Kawlram mipi ai awh a si i Kawlram mipi nih kan tanpi cio le kan dirkamh ko timi langhter cio ah a tha. Kawlram ralkap nihhin kan hnu ah khan UN palai a si mi Christine cu bialehnak an tuah cang.

Sipuazi le pehtlaihnak phih cu zei ah kan rel lo, kan i ziah tuk cang an ti. Cu pinah UN nih nan kan hlawt zong ah a kan dawmi ram tlawmpal te he kan i pehtlai ko lai tiah an ti than hoi. UN nih an thlah mi Myanmar palai Chtistine cu a lung a dong ko. Kawl ralkap hi meithal in kah ve lo ahcun an kung a thum kho ding in a hmu ve ti hna lo. A donghnak ahcun UN le NATO ralkap hna nih Kawl ralkap hi hriamnam in an kah te hna lai timi cu a fiang ngai ko cang hih. Chim ding a um tuk ti lo.

Be First to Comment

Leave a Reply

Your email address will not be published.