Kahdohnak A Zual Tthan Caah Mipi Hna Cu A Himnak Hmun Ah An Tlizam Tthan Hna
Kaya pyine Dimoshu myone ah September ni 8 thok in kahdohnak a zual tthan caah khua mipi hna cu an nunhimnak caah an tlizam tthan hna tiah thawng theih asi. Kawl ralhrang rallokap pawl le Kayinni miphun kilvengtu ralkap KNDF karlak ah June thla ni 15 in kahdohnak cu chikkhat caah ngol chung dingin thanhnak an tuah hnu in a voihnihnak khua mi an tlikzamnak asi tiah khuami pakhat nih The 74 Media sinah a chim. Dimoshu in mipi hna cu a voihnihnak an tlizam hna. Dimoshu palik sakhan cu an kah i, zan khuadei bak in an kah i meithal thawng kan theih caah kan ttih tuk i a zanzan bak in kan zam tiah khua mi pakhat nih cun a chim.
Kahdohnak a tu le tu tein a chuak i, tlikzam a hauh lengmang caah a rannak in dai cang sehlaw ti kan duh tuk cang tiah khuami pakhat nih cun a chim chap. Daihnak cu nan kan tuah piak kho ti lo maw? Ralttih in tlikzam tik ah hin hngakchia, tar hna le pum tlamtling lo hna zong an i tel tik ah a rannak in dai cang sehlaw ti kan duh. A tu bantuk in i kahdohnak ruangah hin hngakchia hna an hmailei caah ruahchannak a dong dih cang, a tthang lian dingmi hngakchia zong an um ti lo an thi dih cang tiah amah nihcun a chim. Kawl ralhrang rallokap le KNDF karlak ah May thla thok in kahdohnak a chuak cang i, Dimoshu myone chung mipi hna cu thla 5 raldohnak ruangah voithum tiang an tlizam cang.
Careltu Sin Lunglomh Biachimnak le Nawlnak: The Chinland facebook page ah ca kan tial mi a rak kan relpiak tawntu nan dihlak cungah lunglomhnak tampi kan ngei. The Chinland facebook page ah ca kan tial tik ah a dik mi le a hmanmi, mipi careltu caah theih a tlak mi le thathnemnak a chuahpi tu thawngpang le theihtlei le Pathian Bia siseh tihi catial tu nih kan duh bik mi le kan i tinh bik mi cu asi.
Mah belte careltu nan sinah nawl kan in duh mi hna cu, kan nih hi online thawngpang theih mi catial tu men kan si caah kan tial mi thawngpang hi, kanmah mipum in thil a cannak hmun ah va kal in thawngpang hi kan lak khawh mi asi lo caah, online ah mi pakhat nih maw, silo ah bu pakhat khat nih mipi theih dingin an thanh mi/tialmi le miphun dang ca/holh in an tial mi le chimmi kan lak chin mi asi caah kan palhsual mi le tlamtling lo mi tampi a um kho. Mah caah cun careltu hna zongnih cu bantuk a um sual caan ahcun nan rak kan theih thiam nak lai le a hmanmi nan theih mi ning tuin nan rak kan remhpiak nak lai zaangfah kan in nawl chih duh fawn hna. Admin
