Press "Enter" to skip to content

Kalay CNLD Mino Pawl Cu Palik Nih Voi Hnih Tiang An Buai Hna cang hna nain

Tuni November 3 ah Kalaymyo CNLD mino tthithruai nak in Kalaymyo chung i CNLD mino zaten thawchuah nak nei in an chuakvak i voi hnih bak palik nih an buai hna tiah hruaitu sinin theih a si. A sinan, palik nih an kham kho lo i thawchuah nak cawlcangh nak cu an nei tthan.

Thawchuah i chuakvak dingin BTS Bible siangin inka hram ah an hngah hna i an hngah liao hna ah palik an rak phan i buainak a chuak colh. Tthate i an i chonhbiak dih hnu ah Pinkhongkyi an va phan cu palik nih a voi hnihnak an rak buai tthan hoi hna . Asinan, hruaitu leiin kan i manh loh, nan duh le a hnu ah rak kan chawn te uh tiah, phone number le ID an pek hna i cuhnu lawngah an vahchuah nak cu an peh khawh tthan.

Hi kongkau ah Kalaymyo CNLD mino hruaitu Salai Chris Andrew nih “BTS siangin hram Certual in kan i hngak cuahmah hna liao ah voikhat a kan buai i Pinkhongkyi ah voikhat a kan buai tthan. Cutikah rak kan tthen duh hlah uh buainak can kan nei lo tiah an ti.

Kalaymyo CNLD mino tthithruai nak in thazang chuahnak i an vak i daan le dun felfai te an tuah hnu i an vah nak kong ttuanvo neitu lam nih an chim i mawtaw pakhat ah minung 30 ,mawtaw pakhat le pakhat zong i neih lo tein an umkal ning kong an chim. naih aw tuk loin an thlun awk thu an rel. Cubantuk cu rampi cozah zongnih a onh mi a si i, party dang dang pawl zong cuti cun cawlcangh nak an ngei peng ko.

Myanmar rampi thimnak ttuanvo neitu Union Election Commission nih party hrang mipi le MP cawlcangh ning ding kong ah phungthar a chuahmi cu November 6 in November 8,thimnak dih tiang ho hmanh party hrang mibu in siseh MP pakhat dirhmun in siseh mipi hmunkhat i umtti le tthutto tti an siang loh. Cu hlan cu covid 19 daan le dun Bantuk in hmunkhat ah minung 50 tluk cu um khawh tiah bia an rak chuah cang. November 6 hnu cun zeiban tuk cawlcangh nak zong kham thlu a si.

Be First to Comment

Leave a Reply

Your email address will not be published. Required fields are marked *