Press "Enter" to skip to content

Kalay-PDF Nih SAC Ralhrang Bomb In An Puah Hna, Ceilak An Thi

Sagaing ramtthen, Kalaymyo, Nagapuat timi khua chungah hmunhma khuami ralhraang pawl cu People’s Defense Force (Kalay) nih an kah hna hnu ah ralhraang pawl bawm ding in vun rami an hawi le ralhraang pawl an cuannak motor zong mine bomb zun 3 bak in an puah hna ruangah ralhraang bawi pakhat (bothum) telh in ralhraang 15 an thi tiah PDF (Kalay) lei nih thawngthanhnak an tuah.

Kan theih cio bantuk in Min Aung Hlaing ralhraang pawl nih Kalaymyo thlanglei kap zawn i PDF sakhan pakhat an luh hnawh hna hnu ah an sakhan la in PDF ralkap zei maw zat zong an tlaih hna, cu PDF sakhan ah hmunhma khuami ralhraang pawl cu tuzing ah khan an umnak an hun i tthial i lampi chuanthluak bak bomb in an kah pah thluahmah.

Ralhraang nih PDF (Kalay) sakhan (battalion-3) an laak lio ah hin sii lei nu ralkap pa 10 le pa ralkap pa 2 an tlaih hna nain social media cungah a hung langmi hmanthlaak ah cun nu pa 9 lawng an si caah nu ralkap pakhat le pa ralkap pakhat hna konglam hi tuni caan tiang theih khawh si rih lo.

Cun tuni November ni 18, kum 2021 chun suimilam 12:00PM ah khan Sagaing ramtthen Yisakyu penng Ma Oo khua ralhraang palik sakhan cu PDF nih luh hnawh in an kahnak ah ralhraang pa 4 an thah hna. Crd; Chin 24Seven News

Be First to Comment

Leave a Reply

Your email address will not be published.