Press "Enter" to skip to content

Kalaymyo Ah Hramhram Uk Nak La Tu Ralkap Nih Ting 90 Leng Man Thilri Cu An Chuh/ Lak Piak Hna

Kalaymyo Ah Hramhram Uk Nak La Tu Ralkap Nih Ting 90 Leng Man Thilri Cu An Chuh/ Lak Piak Hna!Ralkap nih April ni 7 ah khan Tahan mipi veng tu um nak an doh ah khan phaisa ting (93) ,cycle pahnih le zeidang thilri pawl zong hramhram in an chuh hna .

Hmunlai Kyut Tung Pin veng ah a um mi “lamkiang ah facang zuar nak dawr ah ting (70) an lak, Dawr ngeitu nupa hna zong hri in an tem hna .Midang inn ah ralkap pawl an luh kar ah tikholh nak khan ah kaa thup.Ralkap pawl an chuak cang ko lam an phan cang lai tiah ka ruah ii inn ka ka on an theih ii hlei ka ah a rak ii thup mi ralkap cu inn chung ah an lut ii phaisa ting 2 le bank cauk an lak nan bank cauk cu an ka pek than tiah a chim.

Taungphila veng zong ah inn ka an bauh ,tawh an hrawh Piak mi inn zong an um.Kyuttungpin veng ah um mi chung khar pakhat zong zaan 10pm -11pm kar lak ah ralkap nih an inn ah luh hnawh in thilri an kawl suhbu fa mi chung ah phaisa ting 2 leng le suhbu a ngan mi chung ah phaisa ting 12 a dih lak ting 15 leng an lak .

Ka fa nu zong lungrethei tuk in a um ii dawrkai nak phaisa fangkhat hmanh kan ngei ti lo tiah a chim.Cun kan inn pa hna phaisa zong ting 6 an lak tiah a chim chih.Sanmyo veng Hemantit kuanya dawr chung zong ah an lut 125 cycle pakhat ,Ray cycle pakhat le One tea cawhnuk buu 12, kunpawng kat 3, Rubby kat 1, Khaini kat 1, phone pakhat a tun nak he phaisa 200 ca a nek pawl thing hra reng lo le mei ti pahnih an phoih ii an ii kal pi tiah thawng theih asi.

Credit: Chin Post

Relchap: Tuipuiral group YMA hna cu nihin ah Thekte khua a ummi ralzam hna an va tlawng i, ei-din an va pek.

Ni hin ni tiang Tuipuiral YMA group area chungah ralzam alutmi 1500 leng an lut cang i, mah chungin 250 leng cu hmundang an panh cang i, mi 150 leng cu mi inn hlan in khua an sa cang.

A tu ah Farkawn hi Tuipuiral ah ralzam a tam cem nak khua an si i, minung 500 an um. Tuipuiral YMA area chung khua 23 lakah khua 6 ti lo cu ralzam ngeih dih an si, Farkawn ti lo cun Thekte khua hi inndawng tuak ah mi khual an ngah cem an si i, mi 130 hrawng an ngei lio tiah theih a si. Hnangam tein le mah le khua/ram bantuk in a ngeitu lungput he khua kan sa ti hna lai tiah Tuipuiral group YMA Vice president Pu C.Lalpektluanga nih ni hin Thekte khua um ralzam hna an va tlawn nak ah a chim.

A tu dirhmun ah Chin ram ramri le Mizoram Lunglei, Champhai, Serchhip, Lawngtlai, Saiha District ramri pawng khua hna lawng si loin Mizoram chung khuapi 11 lakah Aizawl, Champhai, Saiha, Sangau hna cu ralzam um tam nak a si. Ralzam hi ni fa tin an i chap lengmang caah fiang tein chim a har ngai. Mizoram a lut cang mi dihlak hi 2000 an si cang lai tiah theih a si.

Credit: Chin Post

Be First to Comment

Leave a Reply

Your email address will not be published. Required fields are marked *