Press "Enter" to skip to content

Kan Far Nu Mai Sui Hlei Tial Ruak Kong Ah Central Acozah Hnenih Cakuat Ding In An Tawlrel Cuahmah Lio

Sui Hlei Tial ruak ruak kongkau cu online chungah a linsa ngaingai. Thantlang Mino bu nih Central a cozah Naypidaw ah cakuat an timh i cakuat ahcun khua mipi lungtlin nak lethmat an lak cuahmah liao a si. Lethmat cu pumpak in siseh mibu zongin lakkhawh a si i Thantlang, Hakha, Falam le Chinram hmun cheukhat ah an lak cuahmah liao a si.

Central a cozah Naypidaw i ca an kuat dingmi cu Sui Hlei Tial ruak kong ah lai phung tein thlanmual i phum a sianglo tu tuanvo neitu signal hi an phutawk hremnak pe dingin halnak a si. Central a cozah sinah Thantlang Mino but nih ca an kuat lai i lungtlin pitu mipi lethmat zong telh chih ding a si. Lungtlin pitu mipi lethmat cu Thantlang, Hakha, Falam le Chinram hmun dangdang ah inn kip ah an hal cuahmah hna i ho hmanh rumro lo in an nawr hna lo i mah lungtlin ning ciao in lethmant an thut.

Hi thil kongah Falam Khawpi zongah Inn kip ah kal hnawh hram thok a si i, minung 100 hrawng lethmat thutu an um cang tiah theih a si. Lethmat cu tuzarh cavcawn ni 5 tiang Inn kip ah lut in an hal thluahmah lai i a cozah Central ah an kuat lai. An halmi cu lai phung in Sui Hlei Tial ruak phum a sianglo tu pawl daantat kha a si.

Hi kongkau ah hin Chin Cozah nih a ni cu zung khar ni a si ruangah nehhnu i mipi an lungawi lo hnu lawngah kan thei i Peng cozah nih rem a tining in lai a rak relmi a si tiah an chimfian. Cupin ah peng cozah nih tuahsual mi a neih a si ahcun mipi zawn an ruahtuk ruangah a si lai tiah an ti. Cun peng sibawi hotu nih khawchung luh kan rak sian ko nan, tuanvo la ngamtu an um lo ruangah khawleng i kan rak phum nak a si tiah an chimfian ve.

Mai Sui Hlei Tial ruak kong ah mipi nih an lumgtlin lonak cu langhter dingin in Thantlang Mino siseh mibu dangdang an beisei tuk nan, Covid 19 phung le phai ruangah sandah piah cu a ngah lo tiah theih a si i Central a cozah sin ah ca an kuat tthan nak a si.

Be First to Comment

Leave a Reply

Your email address will not be published. Required fields are marked *