Press "Enter" to skip to content

Kan Laitlang Lam A Chia Tuk Lawmmam ,Tangka Um Lo Ruangah A Siloh– Pu No Than Kap

Rampi i thim nak zong a nai cang CNLD party dirhmun in Pu No Than Kap zong Falam peng Laitlang khua phunphun pal in amah zultu pawl he an vak cuahmah. mahcu ah laitlang lam a chiat nak kong vialte cu a tanglei ah hin a langh ter.

Pu No Than Kap nih cun “Tlangzar le Leilet karlak motor lam a ṭhatnak a si ti i an chim mi cu (kattaza) chim lo lungtekem phahnak hmanh a um loh hmun thenkhat cu a bek dih. motor a kal kho loh i a hnu in minung pa 7 nih an nampiak. Khuate Motor lam tha cem an timi Saek-Ticirh lam ka pal i, Kattaza-vawlei-Lung tekep ai cawh dih.

Tlauhmun-Rallang-Lianduh-Khawsum le Sim hrut: S.Dihai tiang ka kal khawh nak tiang ah hi nak in a chia deuh rih. An hlei donh mi zong hi hlei bang hlei lo bang in a um dih. tlaksual le bang ah cun tih a nung tuk. Hrianghnang le Rulbu khua kalnak lam chiat ning lebang cu hmnnn. Hi bantuk lamchiat mi hi cu Chin miphun covo a si maw? Si nemmam hlah! Independence kan ngahnak chankhat a tling cang i, Yangon, Mandalay bantuk tal nih cun, lampi neih hi kan covo hrimhrim a si. KAN COVO LAKTHAN A ZA!

Lam a chiat mi hi tangka um lo ruang ah a si maw? zohthan hnik usih law! Chin state nih 2016 hnu kum tin phaisa ngah mi: 2016-2017: 132.45 billion MMK, 2017-2018: 142.11 billion MMK, 2018-2019: 144.11 billion MMK ,2019-2020: 260 billion MMK (US$170.75 million) a si. Tu Kum lawng Budget hi 2018-2019 budget hnakin MMK 220 billion ($144.45 million) a karh i a cheu cu Central a cheu cu Ramkulh ta a si. Nikum nakin US$144 million in a karh ruangah US$170 million a si).

A liam cia Kum pawl tello, tuKum lawng Budget ah MMK 51.39 billion ($33.75 million) cu Lampi hrangah a si. A tam bak ko. Tu i Cozah nih khuate phanh nak a zaten motor lam kan cawh dih an tinain, a min lawng a si.

KHAWTE LEI DIRHMUN – MMK 23.55 billion ($15.47 million) cu Khuate lei thanchonak ah a si. Khuate lei mipi nih ma khua hrang ti, hlei, hall saknak, Lam caah tangka hal lengmang hau lo in cozah nih an tuahpiak hrimhrim ding mi hna a si.Tangka sanction cia dih mi a si. Khuate ah hall a nei lo mi an tam tuk rih. MMK 18.34 billion ($12.04 million) cu ramri tluan hrang le miphun hmete thancho nak (ethnic development) tiin chiah mi hrangah a si.

Hi tangka hi Mizoram, India he ramri tluan i a um mi khua pawl hrang bik ah a si. Ramri tluan um khua mipi i hal lengmang hau loin, Cozah nih an tuah piak dih hna ding mi a dirlio mi cozah an rian a si. khuate ca i tangka hi a tam tuk. Hi tangka hmangin tuan chuah mi ka hawl cuahmah i Van ah an rak kai dih le a si rua, ka hmu ve loh ka mit a that lo ruang zong ah a si kho mi a si ko.

MMK 8.48 billion ($5.47 million) cu Khuapi thanchonak hrangah a si. Falam khua telin Chinram khuapi 9 hrang ah hman dingmi a si. Cozah nih cun Hipawl hi a tuahpiak hrimhrim a hau. MMK 7.31 billion ($4.8 million) cu Electric tuahnak hrangah a si.

CHINCHIAHDIND : I thim nak ding mi phuan hlan (July 1, 2020) hlan Kum 4-5 chung bak ah, khua ram hrangah Chinram NLD Cozah nih tangla a hman dih i a tuan dih a hau. SIHMANSEH LAW, thim nak a neih July, 2020 hnu lawngah khua ram hrangah an ṭuan thok a aiah cun, mah i ṭuanvo hneh lo, vote hawlnak men long i Ram mipi tangka a hmang mi an si ti khawh a si. mipi nih thimtlak an si maw?

India ti bantuk ramdang hna ah cun, i thim lai a neih cang ah cun, khuale ram thancho nak, lampi an cawh, hall an sak, ti bantuk hi vote hawlnak i hman peng khawh a si ruangah kham a si.” tiah a langhter.

Be First to Comment

Leave a Reply

Your email address will not be published. Required fields are marked *