Press "Enter" to skip to content

Kan Ram Thimnak A Hung Dih Cang Chin Ram Caah Zeidah Kan I Timh Awk Si?

Kawlram pumpi thimnak cu a hung dih uahmah cang va si kaw, a dih cangmi thimnak pin ah kan ram le kan miphun caah zeidah kan i tinh i kan tuan awk a si timi he pehtlai in tlawmte ka hmuh ning tial ka duh. Kawlram thimnak a dih cang bangin a chuakmi cu an chuak cang i kan miphun aiawhtu dirhmun ah an dir cang, kan miphun caah zeidah an tuah lai timi zoh lawng tang cang. A chuakmi kan MPs pawl hna caah le an tuah awk si ko tiah ruahnak cu kan ngei cio ko hna lai i si hnaseh ti kan duh ciomi zong um cio lai ti zumhnak ka ngei.

1. Nakah kan Miphun, chin state caah kan MP pawl nih tuah i zuam hnaseh ti ka duh cemmi cu Thanchonak-development hi a si. Thanchonak kan chin state ah a um khawhnak dingah biapi cem hna cu kan MP pawl an si.

2. Nakah kan MP pawl nih ngei hna seh ti ka duhmi cu Dinfelnak hi hriam tha bik laimi thanchonak caah i tlaih kho hnasehlaw ti ka duh cem. Kha hlan MP, CM tuanmi an tuanbia pawl kha tutan time,caan ahhin hnawh khawh i zuam hnasehlaw ti ka duh.

3. Tender kongah Eihmuar a tam tiah mipi au-aw cu libang ai hnin, hi Eihmur hi Dinnak le Chin State zawnruahnak tel loin tuah khawhmi silo. Tender an pek ning hna hi an remh siamlo cun buainak a chuak than khomi thil a si. Tender phawt zamh an thiam ahcun eihmuar timi zong hi kan chin ram ah a tlawm ngai cang lai.
Tender sawktu company hna kha Uktu hna nih anmah le an sining hoih cio in pek i tuanter a herh, hi ahhin a ting cia zong mirum si ai tiah kumkhat ah pahnih thum tlaihter siloin pakhat kha pek siseh. A dang ting colo zong nih an hmuh venak hnga unau tingzo cio in phawt zamh a tha. Hi phawt zomh tikah hin, sining zoh hrim cu a hsumi si caah a sawktu vialte an sining zoh in pek thiam zong a biapi. A dam tampi ko nain mah nih hin huap ko seh law mu a sau sual lai.

Cun zung kip ah cozah nih mipi caah ri a khiahmi lengah a hleihluat in tangka laak um tilo dingin tawlrel thiam i ning canglo khuasa poh rian dinhter siseh. Cun tangka pek ruangah rian hmuhter siloin a sawktu thiamnak nih a tlinhmi nih rian tingco dingin i zuam hnaseh. Hlan kan ram, chin state sining zoh tikah Sifak Nu/Pa caah a thiamnak nih a tlinh zongah rian hmuh khawh a silo, mirum ta bantukah a cang. Hi nih hin Chin State development zong a hrawh khawh.

A donghnak ah chim ka duh cemmi le si hnaseh ti saduh ka thahmi cu, Chin State Thanchonak caah dinnak in MP,CM pawl nih kan ram hi hruai hnaseh law ti hi a si. Tangka pe kho deuh poh tender kumkhat ah pa 4/5 hna hmu i a fel komi zong pakhat hmanh hmuhlo i cawibelhter, a fellomi zong mirum, minei si cun rian peek peng hi a dik lomi uknak si i MP,CM tuan hi pumpaak caah a kalmi si cang.A chuakmi MPs pawl soisel hi dai cang hna u sihlaw, zeitin dah kan ram caah rian an tuan khawh lai tiah thazaang pek tuin tan la cang hna u sih. Soiselnak nih thatnak nakin chiatnak a chuahpi deuh, a caan hi theihthiam i zuam cio cang hna u sih.

Hihi chin state development, thanchonak caah a herh ko rua tiah ka ruahmi ka van thai vemi si, chap awk tampi um lai a tling lailo, phone catial si caah a ruah zia ka thiam u law, thazaang ka pe peng u.
The Thantlang post network ngeitu, Stonnybawi.

Be First to Comment

Leave a Reply

Your email address will not be published. Required fields are marked *