Kawlram lemcang tuanbia zoh tik ah Chinmi chungin “Thet Mon Myint” nih minthat nak tampi a co i mipi duhbik mi lak zong ah thim a si i a hlawh tling bakmi lemcang pakhat a si i Chinmi minthat ter tu pakhat a si .Thangthar hna lak ah Thet Mon Myint bantuk in rampi huap minthang an chuak kho ti hnga maw timi cu kawl mipi nih an cuanh ngaimi a si ve .
Tutan kan rak langhter mi hi kan mah Chinmi bak a si i lemcang lei ah a lut tharmi a si i a min cu “Mai Jake Lay” a si . Atu hi lemcang hram ai thokka te a si i Thet Mon Myint hnuzul tiah mipi zong nih hmuhcio a si tik ah Thet Mon Myint a phan kho te hnga maw a hnu a zul kho taktak te hnga maw ti zong in cuanh chihmi a hung si ve .
Mai Jake Lay hi Chinram Paletwa Myone ah a um mi a si i lawlawse cu Yangon-North Dagan ah a um liomi a si . Zuknung pakhat zong an tuah cang i Hakha myone ah a si tiah a mah nih cun a chim .Lemcang rian hi a mah hrim nih a duhmi a si i ai thim bak mi a si tiah a chim fawn .
Lemcangthiam nupawl lak ah a duhbik mi an hal i “Thet Mon Myint , Shwe Hmone Yati,Wut Hmone Shwe Yi hna hi ka duhbik hna” tiah a chim . A mah hi kawlholh tlawmpal te ai harh pah ve rih nain hmailei ah cun holh lei kong ah cun buainak a ngei lailo tiah zumh a si .
Hakha i zuknung an can nak ah cun khuabawipa tunu ah ka cang tiah a chim i , Yangon a umnak a pi zong nih fak pi in thazang a ka pek tiah a chim ve .Nungak dawh ngaingai a si i sponcer a hawl lai maw hawl lo timi cu a mah cung ah ai hngat ding a si .
Be First to Comment