Press "Enter" to skip to content

Kanpetlet-CDF Nih SAC Ralhrang An Kah Thah Hna

CDF-Kanpetlet nih BEHS Siang inn ah umhmun a khuar mi ralhraang an kah than hna i pahnih an thi. December 4, 2021 zing suimilaam 8:00 ah Kanpetlet khua B.E.H.S sianginn ah umhmun a khuar mi ralhraang pawl cu

CDF-Kanpetlet nih an kah hna i minutes 45 hrawng kahdohnak faak a chuak tiah theih a si. Ralhraang lei pahnih an thi. CDF Kanpatlet lei in hliamtuar um lo te in kan kir kho tiah CDF Kanpetlet nih an thanh. Crd; The Hakha Post

Nizan December 3 ah khan Chin Baptist Church of USA aiawh in Mizoram ah tlawng lio mi hna nih Lai Autonomous District Council (LADC), Chief Executive Member (CEM) Pu V Zirsanga tonnak an ngei.

CBCUSA Hruaitu hna nih hin Pu V Zirsanga cu amah CEM zung ah an va ton i LADC cozah le NGO bu hna nih Myanmar ram buai ruang i LADC ram chung ah aa dor lio mi ralzam an rak donnak le zohkhenhnak hna cung ah lunglawmhnak bia an chimh.

Pu V Zirsanga nih cun Myanmar ram buai ruangah LADC ram chung i ralzam in a lut mi hna thlanglei Lai mi nih an rak don ning le zohkhenh hna ning cu CBCUSA hruaitu hna a chimh hna.

 

LADC cozah zong nih ralzam zohkhenhnak kong ah thazang tampi a chuah rih naklai kong le Myanmar ram buainak cu zei tiang dah a rauh rih lai, a fian lo caah ralzam zohkhenhnak le tawlrelnak kong hi tuaktan deuh i felfai deuh in kalpi a herh kong zong a chimh ve hna.

CBCUSA hruaitu hna nih cun Lawngtlai khuapi cu Lai mi ca ah kan Jerusalem khuapi bantuk a si kong an chim i, LADC cozah cu Laifa vialte bochan mi a si bantuk in nu can pa can cang in dawtnak he ralzam an rak zohkhenhnak vialte cu philh khawh a si ti lai lo kong an chim.

 

CBCUSA hna hi an General Secretary Rev Dr Thlaawr Bawihrin nih a hruai hna i, LADC cozah CEM Pu V Zirsanga hi Executive Member Pu L. Daniela, Executive Member Pu C Hrangthianga, Pu CL Lianzuala Deputy Chairman le Jt. Secretary Pu LZ Tluanga hna nih an telpi ve, tiah thawng kan theih. Crd; The Chin Post

Be First to Comment

Leave a Reply

Your email address will not be published.