Press "Enter" to skip to content

Kanram A Him Lo, “Ruak” Phumnak Hmanh Ah Nautat Kan Si “CNLD Ah Rak Vote Ko Mu ” Salai Bawi Lian Khum (+Video)

Chinland Agriculture Products Company dirhtu Salai Bawi Lian Khum nih “CNLD Ah Rak Vote ko mu” timi hlaphuah tu le a satu laksawng a pek ding a tarlangh i laksawng a peknak ding a ruang cu a hlabia a duh tuk ruangah le a satu thiam a ti tuk ruangah a si . Cun kan lairam a him lo nak le nautat mi kan sinak kong cu a chim i Chin mipi vialte cu CNLD ah vote pe dingin a sawm.

“CNLD Ah Rak Vote ko mu” timi hla cu Pu Van Lal Siam phuahmi a si i H.Lal Nun Mawi nih a sak. 3Amen Band nih music an tum i Salai Pa Thawng nih video a lakmi a si. CNLD mino le hlasa tu nih lem an cang i CNLD mipi nih duhbik miile uar bikmi hla pakhat a si.

Laksawng a pek nak le lairam a him a ti lo a tinak ah Salai Bawi Lian Khum nih “CNLD ah rak vote ko mu timi hla ka vun ngaih tikah ka lung a hno tuk. Hi hla phuahtu nih hin kan Chinram dirhmun fiangtuk in a hailangh khawh, a satu zong a thiam rumro. A hla hi ngaih tam poh ah Chin ram dawtnak le siaherh nak a zual chinchin.

Hi hla chung in ka duh khumi te cu Miphun dang nih kan ram miphun kan philh ding nakcun Kan lei hi kan dang ah bet seh tin an au maw!!! Na au ve ngam lai lo maw Chin pasal raltha timi hi a si. A bia a duhnak nak hi a thuk taktak, ruah ahhin pasal ttha bak a si.

Kan Chinram a dam lo, ramri a him ti lo, biaknak le Chinmi pu pa loram a him ti lo, kan thih tik i kan i phumnak ding hmanh ah nautat kan tong cang, ramri zong ah nehsawh kan tong. Hi bantuk harsat nak le beidong nak, ruahchan nak le a tlau cuahmah mi kan covo lak tthan dingah CNLD rak vote ko mu.

Hla phuahtu Pu Van Lal Siam le hlasatu H.Lalnunmawi sinah kai lomhnak Ks 50,000 veve ka pek hna lai ” tiah a ti

Be First to Comment

Leave a Reply

Your email address will not be published. Required fields are marked *