Press "Enter" to skip to content

Karen Ralzaam Ca Eidin Ding Bawmh Mi Peknak Nawl Thailand Ralkap Nih A Honpiak Cang

Karen ralzaam ca eidin ding bawmh mi peknak nawl Thailand ralkap nih a honpiak cang
~~~~~~

Karen Ramkulh khuate tampi cu Ralkap nih raltuknak Helicopter (Vanlawng) in a kah hna i razaam muning tampi an um ca ah ralzaam hna eidin ding tirawl le herhhai thilri hna cu April 5 ah pekchanhnak nawl Thailand ram ralkap nih a onh cang hna.

Thailand ram um Myanmar rammi nih ralzaam ca ah eidin ding bawmh mi pek an timh hna nain Thailand ralkap nih a rak onh hna lo i bawmhchanhnak pek khawh a rak si lo. Asinain ralzaam bawmchantu phu KTG nih nawlnak an tuah ca ah April 5 ah Thailand ralkap nih nawl a onh than hna hi a si.

Ralzaam bawmhchanhnak herhhai thilri pek khawhnak lam Thailand nih a phih mi cu pekchanh khawhnak honpiak ding in Thailand ram hrambunh KTG nih a hal ca ah atu bantuk in kuat khawhnak an honpiak than hna hi a si.
Ref: The Irrawaddy


Credit: Democratic Voice of Chin-DVC

Relchap: CDM a Tuah i a Zaammi Pawl Cohlan Lo Ding in Ralkap nih Rinpi Khuami an Chimh Hna

Nihin zanlei sml. 3:30 hrawng ah ralkap motor 4 cu Hakha peng, Rinpi khua ah an phan i, DCM a tuah i a rak zaammi pawl cohlan lo ding in khuami an chimh hna, tiah thawng kan theih.

Ralkap nih CDM a tuahmi pawl min le hmanthlak an i ken i khuami pawl an hmuhsak hna buin cohlan lo ding in an fial hna hi a si.Laitlang cu Kawlrawn bang si loin atu tiang a dai rih i a ttha ngaingai tiah ralkap nih khuami an chimh hna i ralkap le palik rianttuannak dohdal lo ding in an forhfial chap hna.

Cun, pakhatkhat thil a can ahcun ralkap nih mipi kan in ven zungzal ko hna, tiah Rinpi khuami sin biachimnak an ngeih hnu ah Hakha lei ah an kir tthan hna, tiah thawng kan theih.
The Chin Journal
April 5, Hakha

Be First to Comment

Leave a Reply

Your email address will not be published. Required fields are marked *