Press "Enter" to skip to content

Kawl Palek Senthum Pa Bia Tak Tein A Piangthar (+Video)

Palek senthum pa nih mipi ca ah thil dik a dirpi cang. Keimah telh in ka chungkhar minung 9 nunnak kan pekmi hi keimah ca ahcun a man sang tuk cang. Hmailei caan ka fanu le ka fapa hna mipi hmai khap lo ding in an um dingmi ka ruah ah ka nunnak sungh ding nak hmanh in ka tih deuh tiah kum 20 leng palek riantuan cangmi pa nih a chim.

Upatmi mipi hna, keimah cu Northen Yangon district, Thaitaping palek sakhan ah riantuanmi palek, pumpak number la-157030, tatciahci Aung Aung Htike ka si. Keimah cu 1992 kum, November 16 ni ah palek ah ka lut i tu kum 2021 kum tiangah hin cun palek rian ka tuannak kum 29 a si cang. Keimah cu palek rian ka tuannak ah cunglei nih tuanvo an ka pekmi cu ka si khawh tawk in ka tuan.

Kanmah palek pawl cu 2021, February 1 ni ah ralkap bawizik nih Kawlram nawlngeihnak a lak hnu ah mipi nih thimmi rampumpi president le State Counselor telh in ram hruaitu hna cu an tlaih hna i, Kawlram nawlngeihnak a lak. Cucu mipi nih an duhlo caah, ralkap uknak an duh lo caah duhlonak langhter in a phunphun in dohnak an tuah.

Mipi nih cu ti dohnak an tuah ko nain, keimah cu, Kum 30 renglo Kawlram palek ka tuannak palek sinak ah tanzawsin ka ngeihnak le dawtnak he rian ka tuan ko nain, nihin ralkap council nih mipi cungah an tuahsernak cu keimah Kawlram palek pakhat sinak in ka ngaihthiam khawh lo. February 9 ni thil cang, ni 12 ni thil cang, 28 ni thil cang pawl cungah Kawlram palek le ralkap pawl kut luannak vialte upadi he aa tlak lo caah keimah nih ka doh ve.

Keimah cu palek cungah dawtnak le tanzawsin ka ngeihnak in February 1 in ni 28 tiang ka zuam i ka tuan ko nain, ka thinlung ah mipi cung titsa ka phoh bantukin ka ingtuar caah nihhin March 1 ni thok in mipi a herhmi, mipi nih a duhmi, mipi he nihin ralkap council uknak in chuak in mipi he ka dirti lai tiah lungthlehnak/biakamnak ka tuah cang.

Cucaah cozah riantuan pawl nih an tuahmi CDM zong nihin thok in anmah he ka tuah ve cang tiah a chim. Hi hi a chimmi chung in ka lak khawh tawk a si i, a tang video link ah a chimmi dihlak ngaih khawh a si. chinmirror

https://fb.watch/3ZXThviJ-H/

Be First to Comment

Leave a Reply

Your email address will not be published. Required fields are marked *