Press "Enter" to skip to content

Kawl Ralkap Kan Tei Mi Nih Federal Army Cozah A Ser Cawlh Lai

CRPH tawlrel nak in UN palai a si mi Dr. Sasa le Union Ministers Dr. Zaw Wai Soe hna nih a tu lio kawlram dirhmun konghe pehtlai in an chim mi hna cu,a rauh hlan ah Kawlram ah Federal Army ralkap hna cu ser a si lai.Kawl ram ah Federal Army sersiam dingmi hi Tlangcung mi vialte hna nih kan duh mi a si tiah an chim.

Cun Federal Army ser nak ding konghe pehtlai in CRPH nih Tlangcung hriamtlai phu hna cu ralhrang an sinak in hlih piak an si cang tiah an chim.Interim Union Ministers Dr. Zaw Wai Soe nih cun Kawl ralkap cozah (military dictatorship) uk nak kan hlawnh khawh nak ding caah cun Tlangcung hriamtlai phu vialte hna hmunkhat teah kan i fun tom khawh hi a biapi bik.

Tlangcung hriamtlai phu vialte hna hmun khat teah kan i fun tom i uk nak t’halo ralkap (military dictatorship) kan doh a si ah cun tei nak kan hmuh mi nih Federal Army ralkap a hrin lai tiah a chim.Dr.Sasa nih cun April thla chung hrimhrim ah Federal Democracy hrambunh mi phunghrampi a thar le cozah thar ser a si lai tiah a chim.

Be First to Comment

Leave a Reply

Your email address will not be published. Required fields are marked *