Press "Enter" to skip to content

Kawl Ralkap Naypyidaw Khuasa Zeimaw Zet An Zaam Thluahmah Cang

Ralkap an zam thluahmah cang Zeithei lo lungmawng rual mi forh ngai pawl nih heh tiah lamcung ah mipi an kah hna, a thli tein an cunglei bawi deuh pawl cu khui ka dah kan zam that lai timi khua lawng an ruat cang.Tuzarh chung hmanh ah ralkap an thazaang a tla rup. Nikhat hnu nikhat an chung le pawl nih Naypyidaw an chuah taak. Nihin hrimhrim cu Naypyidaw in hmundang a zammi an tamtuk ti si.

I cei hna seh. Ramdang doh hlan hmanh ah an sung thluahmah ning a lang cang. Min Aung Hlaing hrim a umnak theih si ti lo. Thlithup chim pawl nih cun Vawlei tang ah a zam.Thihnak he aa neih tuk cang an ti.A fiangmi cu nihin ralkap kan dohnak kan aunak hna hi kan teinak hlapi a cang te lai. Nihin na temhtuarmi hi na techin fapar caah nunnak petu cerhtiput si te lai.Nihin kan tonmi thil hna hi kan fale nih tuanbiawh ah an chim te lai. Vawlei theih in tuanbia kan tial. Nang tuanbia chung ah naa tel maw tha tein ruat ve.

Dr Sa Sa nih Ralkap pawl cu an hram in bawngh dih timh cang hna Suu Kyi telh in a hohmanh nih an ti khawh lomi Kawl ralkap uknak le 2008 phunghram pi cu Dr SaSa nih Vawlei pi theih in a hram in bawngh dih a timh cang. Mi cheu nih Dr SaSa dah ngai a vun dai ngai an ti. An mawh lo a tuahmi an theih lo caah si.Siloah Kawlram UN palai Dr SaSa nih zeidah a tuah? A tuahmi tampi lakah a biapi bik simi cu Kawl ralkap pawl ICJ le ICC ah taza a cuai hna. Hihi zapi nih tuah khawh lomi a si. Ram pakhat ca hmanh ah a fawi lo. Phaisa $ millions tampi a dih. Cucu atu hi a buaipi i a bia zong an cohlan piak tiah theih a si.

Zeitik ah dah misual kawl ralkap pawl hi Khungzung ah auh an si te lai timi a caan tuk lawng a duh cang. An luat lai lo.Cun a pahnihnak Dr Sa Sa nih a tuah rihmi cu R2P a si. Cucu zei a si ti si cun UN ralkap a auh hna. UN ralkap hi ram pakhat a buai menmen ruang ah duh poh in auh le sawm khawhmi an si lo. Anmah nih ri an khiahmi a um i cu rikhiah an ngeihmi he aa tlak hnu lawng ah a buaimi ram ah an lut kho. R2P ti cu ‘Responsible to Protect’ ti a si i a buaimi ram pawl va remh le va kilven khi chim duhmi a si. Hi rian a tlamtlinnak dingah UN nih special ralkap a ngeih ve.

Cu R2P UN ralkap an luh khawhnak ding ah cun miphun ci hloh thah nawnnak a um hau siloah ralkap hriamtlai nih ning cang loin rammi thah le hremnak an tuah hau, Cun minung covo zei rel lo pawl an um hau. Cu an ngeihmi cu tutan Kawlram buainak ah ralkap nih an tuah. Ning cang loin mipi an thah hna an tleih cia mi zong meithal in an kah hna.Hi thil hna hi Dr Sa Sa nih cherhchan in cathluan a tial i UN ah a pek hna. UN ralkap a hal hna. Cu a halmi hna cu UN nih an cohlan ti si cang. Kawlram chung UN ralkap an luh khawhnak hnga mipi lei lungtlin nak lawng hauh dawh si cang.R2P a hlawhtlin si cun Dr SaSa nih kawl ralkap cu Vawlei pi hmuh ah vangkhen in tengh dawh a si cang. Kum 60 chung an i hruh pimi 2008 phunghram pi kum 15 chung Than Swe nih a sermi zong a um ti lo tu hi.Zei ti len hmanh in ralkap luatnak lam a um ti lo. An lam a pit. Meithal te an i put sawhsawh i si cang. Credit: Tluang Ceu Thang

Be First to Comment

Leave a Reply

Your email address will not be published. Required fields are marked *