Press "Enter" to skip to content

Kawl Ralkap Uk Nak Tang Ah Um Kan Duh Tilo,Kan Mah Tein Kani Uk Cang Lai Tiah Kazin State Nih An Chim Cang

Kayin hriamtlai phu KNU (Karen National Union) nih, β€œKayin state cu kanmah tein kan i uk lai,” tiah a thanh.β€œRalkap nih hramhram in NLD uknak a chuh i a ser αΉ­hanmi ukhruainak hi kan cohlang lo. Kayin dothlennak hmun cu KNU nih kan sermi Kawthoolei uknak phungphai hmangin kanmah tein kan i uk lai,” ati.

β€œKawthoolei” cu Kayin holh asi i β€œmuihnak um lonak ram” tinak asi – Kayin hruaitu U Ba U Gyi nih kum 1949 ah Kayin state le Kayin miphun umnak Mon state, Bago region cheukhat le Irrawaddy tiva kuang hrawn vialte khi β€œKawthoolei” tiin a rak auh i nihin tiang an hman.

β€œKayin hriamtlai phu a simi DKBA le PC BGF, tbk. pawl cu KNLA he kan i fonh lai i Kawthoolei ralkap pakhat in Kayin mipi he mipi kan ven hna lai.β€œRalkap nih hramhram in uknak a chuhmi hi mipi zong nih cohlang hrimhrim hlah uh, ramdang zong nih cohlang hrimhrim hlah uh tiah kan in forhfial hna,” tiah KNU nih a thanh.

β€œNLD cu kum 2008 Phunghram a cohlang lo nain remh i zuam dingin 2010 le 2020 ah thimnak a lut.β€œNain, Rampumpi Kahngol Lungtlinnak ningin ramkhel biaruahnak in remh aa zuam i a remh kho lo. Hluttaw ah remh a timh nain a remh kho lo,” ti zong cathanh chungah a αΉ­ial.

Be First to Comment

Leave a Reply

Your email address will not be published. Required fields are marked *