Press "Enter" to skip to content

Kawl Ram I, A Tlau Mi Kum 4 Ngakchia Nute Cu Ni 9 HnuAh A Ruak In An Char

Myanmar ram Pago ramthen Shwe Taung peng Kyi Pauk Kone uksuh Kyauk Phu khua i kum 4 ngakchia nute a tlau i ni 9 hnu ah thi cia in an char. Cu a rauk cu facang an cin nak lak ah an hlonh.October 18 zanlei nazi 4pm hrawngah a hawi le he bik an i thup i, ngakchia kum 4 nute cu ti ding dingin inn chung a lut i, a rak chuak ti lo.

Ngakchia nute cu an hmuh ti lo tikah lung rethei ngai in an um i palik sinah report an tuah pinah committee dang dang sinah an theih ter i an si khawh tawk cio in an kawl i an lung a dongh dengmang hnuah leikuang facang an cinmi karlak ah thi cia in a ruak an char.

October 26, chun nazi 12 hrawngah ngakchia nute ruak cu an khua in meng khat tluk a hlatnak lengkuang ah taklawng in an hmuh i, a taksa ah hliamhma fa tete an hmuh. Hi ngakchia nute hi an tleihhrem hnuah an thah ko lai tiah zumh nak an ngei. Palik pawl nig ngakchia nute thattu cu an kawl cuahmah i, an khua chung i mi pahnih cu an tleih i bia an hal cuahmah lio a si. Asinain ngakchia nute tlaihrem i thattu cu an thei kho rih lo. Salai Muidawh

Be First to Comment

Leave a Reply

Your email address will not be published. Required fields are marked *