Press "Enter" to skip to content

Kawlram Ah UN le Ram Hmunkip I Ralkap Sakhan Chiah Khawh Nak Lam An On Cang I Kawlram Ralkap nih kum 15 Chung An Tial Mi 2008 Pgunglam Hrampi Cu

kawlram chung ah un le ramkip i ralkap sakhan chiah khawh nak lam an on cang tiah thawng kan theih. 1. Kawlram ralkap nih kum 15 chung bak an tial mi 2008 phunglam hrampi ah phunglam hram akhan 1 , Pohmah 42 (b) ah ” ram chungah zei bantuk ram i ralkap zong um a ngah loh (sakhan an chia kho loh ) ” tiin an tial.

2. Tulio hrawnghrang ah hin aa-naa a ting tu ralkap pawl cu cu phunglam hram pi cu lonhkanh in Tuluk ralkap pawl an va sawm hna. 3. Curuangah UN le ram hmunkip pawlkomh ralkap pawl cu Kawlram i um mi Mipi kil-vennak ah Kawlram chungah an lut i sakhan chiah khawh nak lampi cu an on cang tiin.. Source : Myo Yan Nawng Thein

Thawngpang dang relchap >>>>>>>>>

Naypyidaw Thil Cangmi Kongah Mipi Ralkap Duhlo Nak Sandahpiahtu Hna Ralrin Pek Nak

Mipi Nih Nan Rak Hngalh Ding (Ralrin Peknak)Chin ram khuasa miphun hawi hna a rauh hlan ah Chin ramkulh Halkha, Thantlang, Falam le a dangdang khuapi kip ah palik deu tampi an ra phan kho te men . A ruang cu atu hi Naypyidaw ah palik thilthuam (Uniform) tam taktak a phan cang tiah thawng kan theih. Ralkap a cheu cu palik uniform an hrukter hna i palik bantukin mi an tlaihter hna.

Cun thongtla an chuahmi hna zong palik uniform an hrukter fawn hna i peng kip le khua kip ah an kalter hna i duhlonak a langhtertu tuk dohtu ah an hman hna tiah thawng theih a si.Atu hi Chin ramkulh ah palik uniform hruktermi palik deu tampi kan kuat hna lai tiah thawngpang a leng. Chin ramkulh peng kip le khua kip ah palik thar an ra phanh tung a si ahcun mipi nih palik tak le palik deu an si kha țha tein a thleidan zia rak thiam hna u law ralring tein um rak i zuam hna u.

Palik an si tiah rak ruat hna hlah u. Atu hi Rangoon le a dangdang khuapi ah cun palik uniform an hrukter hna i duhlonak a langhtertu mipi kha chai in an chaihter thluahmah hna. Mipi nih nan hngalh dingmi cu atu lio cu ram pumpi ah ralkap uk duhlonak langhter lio a si. Ralkap le palik chung hmanh ah mipi lei țang an tampi cang. Cucaah cun palik a ra phanmi palik deu pawl kha meithal an pe ngam hna lai lo i naam maw asiloah chai an pek dih hna lai. Palik uniform an i hruk lai nain chai tu an i ken lai i duhlonak a langhtertu mipi khamtu le țhektu ah an hman te hna lai i chai in an in chaih te hna lai.

Cu bantuk palik pawl kha mipi nih nan tlaih khawh hna ahcun tlai hna u law palik an si le si lo hngalh nakah an personal number (ကိုယ်ပိုင်အမှတ်) hal hna u. An chim khawh lo ahcun palik deu an si ti kha hngalh ding. Personal number cu lung ruk a si lai (Example: 197261/ ၁၉၇၂၆၁). An chimmi lung ruk a tlin lo le asiloah lung ruk nak tam a si ahcun palik deu an si ti kha hngalh fawn ding. A tanglei hmanthlak hi palik deu an si. Uniform an hrukter hna i mipi chai in an chaihter lio hna a si. Siaherhnak he, Salai K. Biak Lian Thawng

Be First to Comment

Leave a Reply

Your email address will not be published. Required fields are marked *