Kawlram Buai Nak Hi March Thla Chungah Kan Cin Fel Dih Lai : By Bochoh Zaw Min Tun
Kawl ralkap ( Ralhrang hna) nih cun kawlram buainak hi march thla chungah kan cinfel dih lai tiah,thong thanh tu,Buchoh Zaw Min Tun nih cun nihin ah a chim.kawlram buainak hi ramchung buainak asi caah,ramdang lei,zei ram hmanh ani rawh kho lai lo tiah a chim chap.
A tu i kan buainak hi ramchung buainak asi caah,kanmah tein kani cinfel ko lai i, hi kanram chung buainak ah hin zei ram hmanh ani telkho lai lo i,ani tel siah cun,kan sikhawh chungin kan doh hna lai tiin a chim rih mi cu asi. ralkap lei i a ttang mi hna nih cun, hi pa Buchoh Zaw Min Tun bia chim hi an zumh tthan kho men.
Zeitin dah an cinfel lai ti cu theih asi lo i,NLD cozah sinah maw Aanaa a pek tthan lai ,silo ah ralkap tthawnnak hmang in maw mipi a kah hna lai ti cu theih khawh asi lo. Ralkap Cozah hi a tutiang ah zeiram hmanh nih a pawmpi lo mi asi lengah, Kawlram mipi zawng nih kan pawm duh lo mi asi tikah,Min Aung Hlaing Cu zan zawngah a hngilh kho ti lai lo ti si.
Ralkap nih, hi bantuk bia an puan tikah hin,media lei ho hmanh an sawn ve hna lo i, bia halnak zawng a um lo caah an cinfelnak hnga ding kong lam hi theih khawh si hrimhrim lo.an ruahnak le an saduh thahnak bia hawi hna a si hnga maw ti cu mipi lei bia halnak cu asi. A zeipoh siah an duh ning in kawlram chungah an umkhawh le khawh lo cu,a caan nih akan theih ter te ko mlai dah. Credit : Ralhrang Hna ThongThanh Nak.
