Press "Enter" to skip to content

Kawlram Cu Thaizing Hi Thinphang Bik Ni A Si Pi Suh Bia An Ceih Cang Lai Thil Cang Kho Mi Pathum

Thaizing (02/17/2021) Pi Suu bia an ceih dingmi kongah aphi chuak dingmi le ralkap ngian zumh ning phun 3 in ka vun langhter: 1. Pi Suu hi phung lo ningin ramdang chawnhnak talkies a lak pin ah phung lo ning in election ah teinak a hmuh fawn caah kum 1 in 10 tiang thong thlak dingin biachah. ( hihi tulio CDM le protesters pawl hi ralkap nih kan tei hna lai ti an i zumh asi ahcun an tuah hrimhrim lai).

2. Tutan ah biafiang kan chat kho rih lo caah hmaithla or thla dih cutik, kha tikah a kong kan ceih than te lai, tiin thongah an thlak chung an sau ta rih kho (hihi mipi ziaza zoh ta rih ko usih, an lung dong deuh in kan tei kho sual te hnga maw, tiin thil sining zohnak ah an hman mi tactic asi kho).

3. Palh loin luatter nain election tu hi remhter pinah 2008 Constitution pi kha hrawk ter lo i a ning tein hmunter peng rih(hihi tulio mipi duhlonak langhter mi kongah kan tei hna lai lo ti an i ruah caah luatnak an i siam dingmi hriamnam asi lai).

Fianternak:Tuhi ralkap nih an celh lo ngai cang, sipuaizi cu chim hau loin vawlei rirawt bakah a tla cang i ai tungmer khawh than ding ah cun a kum in arau lai. Pi Suu hi a lung i mer dingin an lem cuahmah lai timi cu ai fiang tuk nain Suu Kyi nih hin tutiang cu ralkap duhnak tuah hi ai tim ti lo timi a fiang ngai ko.

Mipi nih an phan ngaimi cu Pi Suu hi mipi a dawttukmi asi caah a lung hna ai let lai i 2008 Constitution pi hi remh loin ralkap duh ning in thimnak thar a kan tuahpi lai ti hi ah phan ngaimi asi. Thaizing i Pi Suu biaceih dingmi phi chuak ding cu ralkap nih mipi hi kan tei hna lai maw tei hna lai lo timi i zoh in ai hngat lai caah a cung lei phun 3 in ka langhter mi khi thatein an zoh te u. Mipi nih cun 100%100 in kan tei lai tiin an i zum cang. Credit: Chelsea Bawi

Be First to Comment

Leave a Reply

Your email address will not be published.