Press "Enter" to skip to content

Kawlram kawng Ah Dr Sasa Nih A Ngeihchiat Nak Le A Lung Fak Nak A Chim Ve Cang

Kan kawlram chung i tu lio thil a cang mi kongah Dr. Sa Sa nih a lungput a vun langte bak ko cang. Dr. Sa Sa hi India ram, Meghalaya State, Shillong ah a um lio mi a si.A fa le Shillong ah siang inn a kaiter hna ruangah Shillong hi an inn bantuk in a um nak a si ve. Tu lio thil a cang mi kongah Dr. Sa Sa nih a chim mi cu,

Kawlram kong ka ruah ah hin cun ka ngeihchia tuk hringhran ko. Mah bantuk in sualnak a ngei lo mi kan ram caah nunnak pek i thil an tuah mi ka hmuh a hin,Hruaitu tampi hna tlaih an si. Kawlram a thangcho tuk mi vialte cu mah bantuk ruangah a dawng tih. Mipi sin ah Coronavirus sii (Vaccine) pek a si lio mi vialte zong dawngte ding mi a si.
Pi le pu, mino, hngakchia hna lam pawng ah ka hmuh hna i, ka lung a fak tuk caah ka celh bak lo.

Dr Sasa nih cun,mipi hna hi zeibantuk ram mi hna kan si ee, A caah mithli he khup bil in thla ka cam piak hna.Myanmar kongah vawlei cung society hi a zah ti lo, zeihman thil an tuah kho ti lo. Thatein i ceih hmainak kan ngei awk a si. Ram pahnih lawng nih zeihman nan tuah kho lo

Vawlei phunglam ning tein rian nan tuan a hau. Kawlram ah si mi mipi nih cun an duh ning bantuk in thil an tuah khawh bak lo. US cozah nih thleng ding in rian tampi angei.America nih cozah thatein a ser a cun, a rang deuh in thil a kal lai. China le Russia a tih ruangah maw si hnga. A luancia cozah bantuk a si lo.

Cozah thar nih thil a kal pi ning cu a nuar deuh. Lungsau tein hngak peng ko u sih. Myanmar mipi le keimah he, riangrang in thil i thleng cang seh ti kan duh tuk cang.A tlam tling than hrim lai. CDM hi i telh ve ding in sawm an si cang. Myanmar mipi nih lungdawng lo in an doh peng.Lung dawng hla u, Mah bantuk thil a si mi kongah heh tiah kan doh peng a her. Hlawhtlingnak cu kut pakhat lawng in a rak kir than mi a si lo.

Mi zeipoh nih,kan dih lak in rian tuan ti ding in kan nih cawlh cang ding a si. Atu hi Democracy kongah i dohnak a si. Hlawhtling hnuah, Myarmar ram cu heh tiah riangrang in a thleng than te lai tiin ngeihchia tuk in a chim. Credit-Dr. Sasa

Be First to Comment

Leave a Reply

Your email address will not be published. Required fields are marked *