Kawlram Mipi An Thin A Lin Chin Lengmang Cang Uar An Um Bak Si (+Video)
Nihin chunah Kawlram mipi nih Ralkap uknak Aa naa ting mi duh lo nak bia tak tein an au pi cang. Mipi an lung a fak in duh lo nak fak taktak in an langhter, Mipi uar an um kho taktak. Biatak tein mipi an thisa a lin cang i, heh tiah lam an zawh an au chih. Mipi tha nih thazaang pek khawh cio i zuam hna usih.
A tanglei ah a Video kan van thil chih.
Thawngpang dang relchap >>>>>>>>>
Thawngpang Tha Taktak A Chuak Cang A Tha Chin Lengmang Ko Tang Chin Lengmang Ko U
Myanmar ramchung Khawhtong myone ah a ummi Kawl ralkap Batalion pakhat nihcun tutan ralkap nih uknak an lakmi hi kan cohlang kho lo, kan duh lo. Kannih cu mipi lei ah a herh ning in kan tuan lai tiah cathanh an chuah. Anmah ralkap chung ahhin an lung ai rual ti lo. Cu ruang ah anmah le an mah chung ah buainak a um te lai i an mah le an mah an i phomh te lai. Kawl ralkap chung ahhin ralkap bawi mi thinlung put tha tampi an um i mi sual zong tampi an um hna.
An mah ralkap lila nih an mah uknak a duh lotu tampi an um ve. Cung lei nawlpeknak a si ruang tuah an tuan tawnmi a si. Tutan ahhin Kawlram palik si hna seh, Kawl ralkap si hna seh ralkap uknak a duh lo tu tampi an um i mipi lei ah tan ai timmi tampi an um hna. A tu cathanh an van relmi zong khi uar an um taktak. Ralkap battalion pakhat bak an si i mipi caah kannih cu kan tuah lai tiah an dihlak lungrual in an um hna.
Relchap: Ahopoh Aung San Suu Kyi he neihniam tein khuasa mi Cherry Htet caah kan lung rethei cio lai dah. Kan theih bangin Cherry Htet cu ralkap nih Pi Suu an tlaih ah khan meithal hmuah aa huah. Cu hnu tecu khoika aum le zei tin aum zong theihkhawh a si tilo. Ralkap nih khoika an chiah tizong a konglam pakhat hmanh kanthei kholo. Mipi nih a mah bantuk zumhtlak nusal tlau thai lai ding cu kan ui dih cio.
Asinain mipi thlacam piaknak thanwg tein Cherry Htet caah thinphan ding a um tuk lo tiah an mah NLD lei nih thawng an vun thanh than cang. Hna ngam tuk a si tinak a si. A nun le a thih theih a si lomi Suu Kyi Body Guard Cherry Htet cu a kong theih si cang. NLD lei chim ning ah Cherry Htet cu hlan a riantuannak ttat thing nih an auh than nain a duh ti lo an ti. Atu hi a nu Suu Kyi he naihniam tein an um ko tiah anmah NLD sin in theih a si.
Relchap: UN Security Council nih (Thursday) Ca cawn Nili ni ah ruahchan nak ngan pi he, Kawl Ralkap nih tlaih mi Daw Aung San Suu Kyi le hruaitu dang an tlaih mi hna cu rianrang in thlah hna seh tiin an chim cang. Vawlei cung organization i a thawng bik mi ram 15 hna nih hi bia an khiah mi cung ah hin an lungtlin nak an langh ter cio.
UN Security Counsil cu February,4, Thursday ah tonnak an ngei i, Daw Aung San Suu Kyi, President Win Myint le hruaitu dang hna cu rian rang in thlah hna seh tiah Kawl Ralkap pawl a voikhat nak bia an cah hna. UN Security Counsil nih Media lei rian tuan pawl si hna seh mipi si hna seh khual si hna seh News lei in ram kong a hlat tu an khap hna nak lo le an him nak hnga caah bia an cah chih fawn hna.
Vawlei pumpi daihnak ca le remnak caah UN hi an dirh mi a si bantuk in hi bantuk thil a cang mi hi an cohlang kho ve hrim hrim lo. source: PTI via .Thenewindianexpress
Washington DC: President Joe Biden zong nih Democracy ram i mah bantuk in mipi duhnak zul lo in duhning paoh in Ralkap thawnnak in cawlcangh hi cu kan cohlang kho lai lo. Rian rang in hi thil hmaan lo an tuah mi hi ngol hna seh tiah a chim ve cang.
