Press "Enter" to skip to content

Kawlram Mipi Nih Duhlonak An Langhter Lio Ah Palek Nih Meithal An Puah (+Video)

Myanmar ram ralkap uk duhlonak a sosang deuhdeuh ih February 7 ni cun Myanmar ram sung khawpi tinkim ah lamzawh duphohrnak neih cio a si. February 5 in Mandalay khawpi ah duhphorhnak an rak nei thokih February 6 in Yangon khawpi ah lamzawh duhphorhnak an nei ve.

Yangon ih lamzawh duhphorhnak an nei cu mipi an pungcak tuk lawmmam ih zanlam cun mipi ting thawntel an kim. February 7 ni cun Myanmar ram sung khawpi tinkim ah lamzawh duhphorhnak neih cio a si. Cumi ah palik pawl meithal hmehpuaknak hmun cu Karen ramkulh Myawady khawpi ah a si.

Mipi tamzet lamzawh duhphorhnak an nei cu palik pawl rin cin an lan tum tikah palik lamin meithal an rak hmet puak. Asinan sialret cekrek an hman tikah an kahmi pawl cu an nunnak a cem phah lo nan, hliamhma tuar 10 lai an um. Hmai , awm , zang le taksa dangih kah ngahmi a si. Meithal puak on an theih veten DKBA ralkap pawl mawtaw in khawsung an ra cu palik pawl meithal kah an dai sutsi tiah theih a si.

An hnuah mipi lamzawh duhphorhnak nei lakin mi hrekkhat cu palik pawl in an kai ih an zungah an hruai. Cutikah, mipi in palik zung tiang an thlun ih kaihmi pawl thlahsal dingah an nor ciamco. Cutin, zanlam ahcun palik pawl cun an kaihmi pawl cu an thlah zalen thluhsal.

Lamzawh khat le khat thilri siatsuah , palik deng , lungto deng tivek hmang lo dingin an forh aw rero ih buainak tuah lo lamzawh duhphorh cu diknak a si tlunah buainak tuah lamzawh duhphorhnak neih cu a dik nawn lo a si tiah an than rero a si. ( DVB ) vapualauaw

Be First to Comment

Leave a Reply

Your email address will not be published. Required fields are marked *