A Ngawng Ah Hrithlai in That Awk Ah Anai Cang Mi MAH. Gambia nih Kawlram Tazacuai angah lo a ti diam. Hlan lio biaceih lio ah an hnawn cang mi kha a theih hnga lo maw? Amay Suh nih Genocide asi mi cu a cohlan cang kha. Intent in asilo. Timhciammam tein tuahmi asilo ati tu asi kha. Amay Suh nih ICJ taza cuainak ka hnawn piak uh ati hna i anduh ti lo mi asi.
Kawlram nih man tampi pekin an hlan mi Sihni hna chimh mi ruat tikah MAH Thih zawk zawk seh atimi an lawh ngaingai. An chimh mi cu: Bangladesh ni Genocide sen athuh lo. Gambia nih Genocide kong ah taza a ka cuai khawh lo. ICJ zong nih biaciehnak nawl nan ngeih lo. OIC nih Phaisa tampi an in pe hna caah nan tuah mi asi ko.
Cucaah kan nih MAH le Rallokap hna nih kan duh le kan Genocide lai, Kan duh le Genocide lailo, nanmah OIC, Gambia le ICJ nih an i ceih nak ding pelte hmanh aum lo. Nanmah kong te kha i ceih ko uh. Mikong ceih len hlah uh. Ninghngalh hlah uh tiah an ti diam hna. Mah kong asilo mi ah i ceih tuk hi ICJ nih nan cohlan awk asilo. Ziah ICJ cu vawleipi dinfelnak biaceihzung nan ti lo maw?
A dinfel lomi le sual put mi cu maw nan ceih kun ne lai tiah, MAH Sihni hna nih an ti. Cucaah MAH thihnak lam a panh cuahmah cang ko. Arau lailo. OIC kha phaw ah i lak riangmang in tawnta alh mi bia alh mi Kawlram Kuzale hna cu Gambia leinih capo men in an tuahto hna. Ningzak anthlai hna i rolung an bunh hna.
Sihni bochan in aalak mi MAH te cu an thih nak ni tu anai chin chin deuh cang ko. Surchep thiam lo mah lukhuh, biachimh thiam lo mah kung tlung timi tuanphung asi ko. Arau hlan ah Cusin (Cinsu) a phan ding mi MAH asi cang. By_ Joseph R. Thang
Japan le Australia hna nihcun US le Nitlak lei ramdang hna nih lamkip in Russia an phihkhar bantuk in Russia cung ah phihkharnak an tuah ve. Russia Hluttaw nih February 22 ah President Putin cu a ralkap hmannak nawl a pek cang i, Ukraine ramchung Luhanks le Donetsk state pahnih hna cu Putin nih Independent ah a cohlan hna hnu in Russia ralkap an lut colh.
Russia nih Ukraine ramchung i a ralkap a luhter hna bak in Italy nih Boltis hmun ah ralkap thazaang 800 tluk simi Battalion pakhat ready in a chiah colh hna i Germany zong nih F-35 Jet Fighter 8 le Apache Raltuknak Helicopter 20 a chiah colh ve i cu hna cu i runvennak lawng ah an si rih i, Russia kahnak cu an si lo, tiah US President Biden nih a chim. Ukraine President nihcun Reserved Army pawl zong Russia ral lehrulh ding ah timhcia tein um u, tiah a auh cang hna.
Atu zanlei thawng kan hlat khawh tiang ah Russia nih Ukraine khuapi ngan deuh- Kiev, Kharkiv, Odessa, Mariupol le Kramatorsk hna a kah cang hna i, civil mi 100 reng lo an thi cang, tiah media cheukhat nih an langhter. The Chin Post
Be First to Comment