Press "Enter" to skip to content

Kawlram Ralzaam Caah MZP Nih Bawmhnak An Pek

Mizo Zirlai Pawl (MZP) Sub-Headquaters, Haulawng hna nih cun Haulawng khua chung ah Myanmar lei in aa dormi hna ca ah bawmhnak an donh. Bawmhnak phunphun; thilri le ihphahpuan LPK motor phurkhat an hmuh. Kan hnu zarh, Zarhte ni ah khan bawmhnak an hmuh mi vialte hi Hnahthial Chanmary sang um ralzam an pek hna.

Hnahthial Chanmary sang ah hin ralzam 50 leng an um lio i, ralzam camp ah hin minung 20 an um lio, tiah theih a si. Hnahthial district chung ah hin tulio hrawng cu ralzam a lut thar an um rih lo.

An dihlak in Hnahthial district ah hin ralzam 2128 an um lio i, hi lak ah hin chungkhar 410 an i tel. Hnahthial District khua 14 chung ah ralzam umzat hna cu:- Thingsai-661, Cherhlun-204, Bualpui H-164, Ngharchhip-170, New Ngharchhip – 462, Tarpho-70, South Chawngtui-25, Khawhri-62, Tuipui D-35, South Vanlaiphai-8, Aithur-14, Leite-11, Muallianpui-11 le Hnahthial ah 239 hna an si, tiah kan theih. Lawngtlai District lei ahcun ralzam 4100 hrawng an um lio.

Ralzam hi chhaklei tlang(Eastern zone) lei ah an tam cem, tiah theih a si. Ralzam hi a run pipi lut tilo in a pikpak tete lawng in an lut cang. A tulio cu ralzam lakin thihlohnak a tong mi zong an um pah. Lawngtlai i CYLA secretary nihcun, “Dam lo zawtfahnak in sii-inn ah aa thlopbul mi cheukhat cu sii-inn umnak bill pek awk an ngeih lo caah kan pekpiak pahmi zong an um,” tiah a chim. Crd; The Chin Post

Be First to Comment

Leave a Reply

Your email address will not be published.