Press "Enter" to skip to content

SAC Ralhrang Le CDF-Mindat Pasaltha Hna An I Kap Cuahmah

Ralhrang uico rual le CDF-Mindate an i kap cuahmah tiah thawng kan theih, atu hi khuami hna zong ral ttih in hmunhim lei ah an zaam cio hna tiah an chim. Tuni December ni 17 chun hnu suimilam 1 hrawng ah khan, Pagoda camp an timi lei in ralhrang rual cu khuate lei ah an rak ttum i CDF-Mindate hna he an i kap tiah an chim.

Hi i kahnak ah athi le hliamtuar an um le um lo theih a si rih lo. Mindat, Chin State Atu hi khuami hna zong hmun him lei panh dingin emergency in thawng an thanh hna ti a si. Hi nak in fak deuh in an i kap lai tiah an zumh. Thlacamnak in bawm cio hna usih.

Nizaan Kayin Kahdohnak ah Ralhrang 8 a Nung in an Tlaih Hna, Nizaan Dec. 16 ah a cangmi Kayin ramkulh, Lay Kay Kaw khuapi chung kahdohnak ah SAC ralhrang 6 le SAC ralhrang tthiangtthunh a simi Kayin ramri congtu ralkap (BGF) minung 2 a nung in an tlaih hna, tiah NUG thawngzamhnak PVTV nih thawngpang a chuah.

Ralhrang 8 cu an hriam tling he a nung in tlaih an si pin ah a dang ralhrang 18 an thah khawh chap hna. Lay Kay Kaw khuachung kahdohnak ah KNU ralkap bu no. 6 le PDF an i bawm. Naite ah Lay Kay Law khuachung ah SAC ralhrang an rak lut i mitlaihkhihnak pawl an tuah caah KNU le PDF nih fak ngaiin lehrulnak an tuah hna hi a si

Relchap; Nizan December 16, ah khan Philippines thlanglei ah Typhoon thlichia a hrang i, minung thong leng nih an inn le lo an chuahtak. Typhoon thlichia nih hin ruahti tamtuk a kenchih caah ruahti tam deuhnak hmun ah cun ti a lian.

Thlichia “typhoon rai” tiah min an sak mi hi tukum chung philipines ram i thlichia hrang voi 15-nak a si i, hi typhoon rai hi vawleicung i thlichia hrang lak ah a faak cem mi pakhat a si, tiah an chim.

Thlichia le ruahti ruangah philipines ram thlanglei le hmun cheukhat ahcun minung chawhleh an kham rih i, vanlawng le tilawng leng ah motor in khual tlawn aa tim mi zeimawzat an taang lio. Philippines ram hi vawleicung ah thlichia typhoon a tuar bikmi pakhat an si i, tukum October thla thlichia Typhoon Kompasy a hran lio ah khan mi 11 an rak thi. Crd; The Chin Post

Be First to Comment

Leave a Reply

Your email address will not be published.