Press "Enter" to skip to content

Keimah ruah ning le hmuh ning, Mara Sabawmpi kan unau pa cu

Keimah ruah ning le hmuh ning, Mara Sabawmpi kan unau pa cu september 27 ah Hakha in an khua Sabawmpi lei a tlunnak lampi ah Thantlang CDF nih an tlaih i an thah ti a si. Hi a thimi kan unau pa hi dalan a si le silo zeihmanh ka theihmi a um lo, a sual le sual lo zong zeihmanh ka thei lo, Thantlang CDF zong an thil tuahmi hi an dik le dik lo kong zeihmanh ka thei ve lo.

Ka chim duhmi cu ral nganpi kan doh lio ahcun dalan le ralteinak lam phentu a simi paoh cu ral kan tei khawh nak dingah thianh hmasa ta cu ahau hrimhrim mi cu a si ko tiin ka ruah ve. Amah belte cu kannih Chinmiphun cu Bawipa a zummi Khrihfa kan si pin ah miphun tlawmte zong kan si caah miphun dang hna nakin zawn ai ruah deuh ding le ai dawt deuh awk kan si tiin ka ruah ning a si.

A cunglei ah ka chimcia bang khin kan unau pa khi a nunnak an lakmi kongah aho sual puh awk le aho thiam co ter awk zeihmanh ka thei bak lo. Cubelte cu kan raldohnak ah lamphentu a si bak ko timi cu khitin fak tukin i hrem ta lo le i velh ta loin a thi ding kha cu fahnak fak tukin pek ta hau loin dai te tuin thil hi tuah ah a ṭha bik lai tiin kei cu ka ruah ning le hmuh ning a si. R.I.P . Credit : Thawngthar le kan Lairam

Be First to Comment

Leave a Reply

Your email address will not be published.