Khuafo Khua Jet Vanlawng Nih A Kahnak Kong Hlathlai Khawh Mi
Khuafo Khua Jet Vanlawng Nih A Kahnak Kong Hlathlai Khawh Mi. Ralhrang nih 30 March 2023, 10:16 Am ah Jet Fighter in Khuafo khua a kahnak hmun pawl kan hmuh khawh tawk asi. A tung 500 meters in a vang 100 meters kulh chung khuafo leitual fing paohpaoh ah S-8 rocket le 23mm cannon (kuan lian pipi) phun nih (hmun 12 leng ah) cip nawn in a rawiput.
Hi rocket le kuan pawl hi FTC 2000G, Mig-29 le YAK-130 fighter phun pawl ah bunh i hman khawh mi an si. Rocket pods timi rocket tampi voikhat kahnak thalphir (hmanthlak ah langhter mi) hna bunh ahcun second 3-5 chung ah tampi a kah khawh.
9:56 AM ah Tada-U vanlawng bual in nitlak chak (အနောက်မြောက်) hoih in dengteo in Thantlang a run fuh i 10:16 Am ah Khuafo a kah. Jet fighter pakhat hi tuan deuh ah a phan i a hnu deuh i Khuafo a kaptu a si tiah pawngkam naihniam sin in kan theih.
Mi-35 fighter heicopter nih Vuichip naih le Tlangrua naih ah a kah ve. Forhnak: Vanlawng aw na theih i jet fighter a si ko ah cun a naih bik tlungkhur ah lut ko. Himnak a si. TEAM CSN (Chelsea Bawi)
Zeiruang Ah Khuafo Ah Ralhrang Nih Bomb A Thlak Hnga? Hihi mipi tulio ah kan lung a kan tuai tuk lio asi caah zumh ning le hmuh ning a phunphun a chuak, kanmah lo kan temtuartuk lio cio asi caah asi.
CDF/CNA nih luhchuahnak le strategy suainak hmun ah an hman caah asi lai a timi zong comments ah ka hmuh len hna hihi a si hrimhrim lo. Cun cheukhat nih thihphaihnak le ka ti theo kha ziah hriamnam tlaih in tei khawh a si lo ka ti kha, tiah fim a rak i cuhmi le Dalan phun zong an rak tampi ve hoi.
Dictatorship pawl kal tawn ning le an ziaza ahcun an ralkap pawl sungh lei an panh cang i an i timhmi an tlamtlinter khawh lo tikah mipi kha ningcang loin hriamnam in an thah tawn hna. Putin khi a sungh deuh paoh le Ukraine khuapi i mipi umnak bak khi bomb in a kah zungzal khi,
Pol Pot, Putin, Sadam Hussein le Bashar Hafez al-Assad tepawl chim ding a tamtuk. MAH cu hi hna pawl nak in a hmang chinchin rih, Karen le Kachin khua bomb a thlak mi khi a thong in a si cang. Tutan Khuafo ralhrang nih bomb a thlak nak zong hi Kalay leiin a hungkaimi ralhrang Taal ah ah an i tap cang i mipi lungzorternak ding ah le CNA-CDF pawl lungthin vaivuanh ter a duh hna caah asi.
Nizaan cu Karen pa le Nigeria pa ka chimh hna i nan i ningtuk rih ko cuh kan sin ahcun an ka ti. Ka chin duhmi cu kan tuarnak hi a faktuk ko nain mawh phurh lo dingmi le a herh lo kha tamtuk in
chim loin le lungdonhnak ah hmang loin teirulchaknak lei tu ah i la chinchin ko hna usih. Hi hnu zongah hi bantuk hi kan tong than lai lo timi chim khawh a silo, ralring tein le fimkhur te tuin um khawh i zuam cio ko hna usih.
CDF-CNA nih Kalay leiin a hungkaimi ralhrang pawl cungah teirul kan cham piak te hna seh, an cii hmit dih hna seh! By- Chelsea Bawi
