Press "Enter" to skip to content

KIA Brigade 1 Le Ralhrang Kar Kahdohnak A Chuak, SAC Lei Thi An Tam

Kachin ramkulh, Einjanyan (င္ဂ်န္းယန္) pengchungnah cawlcanghnak a tuahmi ralhrang phu hna cu November 10, zaanlei ah KIA brigade 1, battalion 4 phu hna nih bawh in an doh hna caah ralhrang phu lei a thimi an tam tiah theih a si. Nizaan zaanlei suimilam 4:00 hrawng meng 5 le meng 6 kar ah Kachin ralkap KIA battalion 4 nih lampi ah bawh in an doh hna.

Einjanyan (အင္ဂ်န္းယန္) pengchung ah ralhrang phu hna nih minung thazaang an chap caah, Kachin ralkap KIA nih Einjanyan (အင္ဂ်န္းယန္) motor lampi cu November thla thok in an phih tiah KIA he neihniam mi thawngzamhnak pakhat nih a langhter.

Shan ram thlanglei Theinni (သိႏၷီ) pengkomh, Phulung ni tlak lei November 9, ah ralhrang phu le MNDAA kar kahdohnak a chuak MNDAA in sniper kahnak ruangah ralhrang phu lei minung 1 a thi tiah The Kokang thawngzamhnak nih a langhter.

Chunhnu suimilam 2:4 hrawngah Mukung pengkomh, Panyinlapa(ပန္ရင္လပ) hmunhma ah Kokang MNDAA phu nih hmunhma thianhnak an tuah lio ah, ralhrang phu hna nih chikhat dornak an hmanmi sakhan pakhat hmuh a si, cu ka hmunah ralkap nih hmanmi thilri cheukhat lak a si.

Cu ka sakhan cu tat-mah 99 kuttang um battalion 109, battalion 113 hna nih Kukang hmunhma an doh lio ah umhmun an rak khuarnak hmunhma a si. Crd; TCP, Khit Thit Media

Be First to Comment

Leave a Reply

Your email address will not be published.