Press "Enter" to skip to content

Kim Jong-un Nih A Dawt Tuk Mi A Nupi Hi An Thah Maw A Si Hnga A Tlau Hme?

North Korea ram hruaitu Kim Jong-un i a nupi ‘Respected First Lady’ Ri Sol-ju (kum 31) cu January 25 in a konglam theih a si ti loh. thla 10 chung bak mipi sin ah a langh ti lo caah bia chawkvai zong a tam ngai cang ti a si.

A pasal nih a tha maw a dam lo, Coronavirus ṭih ruangah a vak chuak ngam loh le a si lai tiin, a phunphun in an chim cio. Puai nikhua le thil biapi caan ahcun a pasal pawng te ah a um zungzal tawn nain January 25 in hmuh khawh a si ti loh.

North Korea’s military puai an neih caan October 10 zong ah khan Kim Jong-un lawng hmuh a si, kumdang ahcun a nupi nih hin a telpi tawn i, a pawng ah a thu. Kim Jong-un cu a ṭap bal loh nain, ralkap lalnak 75th Birth Anniversary puai ahcun ṭap pah in bia a chim ruang ah pakhat khat thil um a um le si lai tiah a ruat mi zong an tam pi.

Ṭah bu in bia a chim mi cu, mah hi ram hruai tu ding ah mipi nih nan ka bochan tuk i, ruahchuan nak zong nan nei, Asinain, nan ka bochan ning bantuk in ka cawlcang kho bak loh si ko. rak ka ngaithiam uh” a ti. Covid-19 boruak lakah an ram a hruai khawh lo caah a tap ti a si.

A pate zong a rak thah bal ruang ah khan mipi nih lunghrinh nak an nei deuh ti a si. Kim Jong-Un a bawi hnu kum 2-nak ah a pate Jang Song Thaek a thah colh. An rampi cawlcangh nak ah a dohtu a si tiah an tleih i,2013 kum ah a pate cu a thah.

Jang Song Thaek an thatdan cu a phunphun in an chim i, ṭhenkhat nih taklawng in an umter hnuah uico an eiter an ti. Asinain, US President Donald Trump nih a mah tuanbia tialtu Bob Woodwoard sin ah Jang Song Thaek cu a lu an tan i North Korea ram hruaitu pawl i zoh khawh ding im an chiah tiah a chim. (Daily Star) Ctedit : Meifar

Be First to Comment

Leave a Reply

Your email address will not be published. Required fields are marked *