Press "Enter" to skip to content

KIO chairman Gen. N’Ban La Biachim Uar A Umbak, Mipi lung Zong Tampi A Thawhter Hrim2 lai>>>>>>

Ralhrang Uknak Cu A Hram In Phongh Dingin Hawikom le Mipi He Kan Tangti Lai
===================================

Ralhrang Uknak Cu A Hram In Phongh Dingin Hawikom le Mipi He Kan Tangti Lai Phuntanhnak lungput chia a ngei mi ralhrangbu uknak cu a hram in phongh dih dingin KIO nih Kawlram mipi, bu vialte hna he tangti in kan doh lio a si tiah nihin August 10 Kachin Martar ni biacahnak ah KIO chairman Gen. N’Ban La nih a chim.

KIO nih phuntanh ruahnak tha lo in a kan uk mi ralhrangbu hna cu an cimit lakin doh dingah bia kan chah cang caah dohthlennak a tuah mi hawikom hriamtlai bu, Mipi, bu vialte he kutsih bu in ramkhel lei he ral lei he timhcia tein kan doh lio a si tiah a chim.

Ralhrangbu nih uknak a lak hnuah 2021 march thla in Kachin ram ah kahdohnak a thar in a hun chuak than mi ah mipi nih sii, dinei, thilri le chawva in bawmhnak tampi an kan pek.

Cu lengah siibawi thiamthiam le ngandamnak lei riantuan hna nih chun zan in an kan bawmh mi cu tuanbia ah a tang peng dingmi, thil thar a si.An cungah lunglawmhnak tampi kan ngei tiah lunglawmhnak bia a chim.

Ralhrangbu nih mipi hna cu ral bantukin an kah, an thah, an tlaih, an hrem, mipi inn le lo an khangh, tangka le an ngeihchiah zong an chuh hna mi cu kum zabu 21 ah khua zei hmun hmanh ah a um ti lo mi facism a si.

Kachin mipi nih mah bantuk kan rak tuar-in nak hi kum 70 leng a si cang.KIA ralkap hna cu Kawlram miphun vialte thazaang pek nak tangah kahdohnak vialte ah teinak hmuh khawh dingin thazaang chuah a herh bantukin nuhrin covo buar khawh mi cawlcanghnak zong tuah lo ding le hrial dingin General N’Ban La nih a forhfialnak a chim.

KIO/KIA an chairman GOC, Lahtaw Zau Seng an thah ni 1975 August 10 cu Kachin Martar ni ah an khiah i kum fatin sunglawi ngai in hman a si tawn nain, tukum belte cu covid zawtnak ruangah voi dang bantukin hman a si lo tiah theih a si.

Atu Kachin ram le Sagaing ramri, Shan ram chaklei ah ralhrangbu le Kachin Independence Army (KIA) hna an i kah lio a si tiah Kachin News Group nih a tial.

Rf: The Chin Post

Be First to Comment

Leave a Reply

Your email address will not be published.