Press "Enter" to skip to content

KNDF Cu NUG Runvennak Vuanci Nih Theih Mi Le Cohlan Mi A Si Tiah An Langhter

Karenni National Defense Force (KNDF) cu NUG he ral lei lei ramkhel lei ah pehtlaihnak le cawlcanghṭi nak kan ngei peng ko tiah NUG runvennak vuanci U Yi Mon nih Dec 13 zaan ah cathanh a chuah.

KNDF cu Karenni National Progressive Party tangah a ummi Karenni Army (KA) he kuttlai in ralhrang uknak dohnak ah hmai a nawrmi ralkap an si. Cu pin ah a fekmi phunglam le ukhruai nak a ngei mi Karenni State Consultative Council (KSCC) zohkhenh nak tangah a cawlcang mi an si.

NUG Runvennak vuanci U Yi Mon cathanh chung ah cun KNDF cu tualchung PDF hna he zong a herh ning in an i bawm i ralhrang uknak a dongh khawh nakhnga le federal ramkomhpi a dir khawh nakhnga ral a doha an si.

Underdog_Michael on Twitter: "#Oct9Coup Gen. Saw Be Htoo, Commander-in-Chief of the Karenni Army (KAF) and the Karenni National Defense Force (KNDF) addressed the graduation ceremony of the 71st Basic Training Course of

Cucaah KNDF cu NUG Runvennak vuanci nih theih mi le cohlan mi a si tiah an langhter. Hi NUG Runven nak vuanci cathanh kong he pehtlai in KNDF lei nih zeihmanh an chim mi a um rih lo tiah RFA nih a ṭial. Crd; The Chin Post

Nizan Decmber 13, 2021 ah khan Mizoram Chief Minister Pu Zoramthanga le Myanmar ram in Mizoram ah ralzam in aa dor lio mi MP hna cu Chief Minister Conference Hall ah tonbiaruahnak an ngei. Mizoram Chief Minister Pu Zoramthanga nih cun Mizoram chung ralzam hna ca ah tha faakpi in a chuah rih lai kong a chim. Nizan tonbiaruahnak ah hin Mizoram Cozah lutlai, Mizoram state planning board Vice-Chairman Pu H. Rammawi le OSD to CM Pu Rosangzuala hna zong an i tel tiah theih a si.

Chief Minister Pu Zoramthanga nih cun Myanmar ram buai ruangah Chin mipi ralzam dirhmun in Mizoram ah an um cu a poi a ti tuk kong le Mizoram i a rak lut mi pohpoh cu a si khawh chung in bawmhchanh an i timh peng kong a chim. Hi pin ah India Central Cozah sin zong ah ralzam bawmhchanh an herhnak a chim tawn kong le, nai tan zong ah India Prime Minister Narendra Modi le Home Minister hna zong ralzam bawmhnak a hal kong a chim.

Chief Minister Zoramthanga nih cun a luancia kum 10 ah Myanmar Cozah le Tlangcung hriamtlai phu hna remdaihnak an tuahnak ah aa tel ve kong hna a chim i, atu ah hi bantuk in ruahlopiin ralkap nih nawlngeihnak an laak cu poi a ti tuk kong zong a chim. Myanmar ram ah Democracy a dir zau lai a zumh kong le raltha te le lungrual tein an ral doh ding in a forhfial hna. Mizoram an um lio ah harnak an ton sual ahcun bawmhchanh aa zuam peng nak kong zong a chim.

Myanmar lei in Mizoram ah aa dor mi Chin MP hna zong nih Mizoram cozah nih ralzam an rak don ning le zohkhenh ning ah lawmhnak bia an chimh i, cozah lawng siloin mino bu, zatlang bu, biaknak bu le thlachiat ruat mipumpak hna nih an bawmhchanh hna ning ah an i lawmh tuk leng ah Mizoram cu mah inn le lo i a um mi bantuk an si kong hna an chim. Hi tonbiaruahnak ah hin Myanmar MP hna nih an herh mi le harnak an ton mi tete zong Chief Miniister Pu Zoramthanga hi an chimh. Crd; The Chin Post

Be First to Comment

Leave a Reply

Your email address will not be published.