Press "Enter" to skip to content

KNU Ralkap Hmai Ah Cun Kawl Ralkap Pawl Cu Sa Chia Bak An Si Ko Karen Mipi Kawl Ralkap Nih An I Kham Sual I

KNU hmai ah cun Kawl ralkap pawl cu tawcep bak an si.Karen hriamtlai KNU hi hlan chan in nihin ni tiang Kawlram tlangcung hriamtlai phu tampi lakah hmuhtonmi tampi a ngeimi le a thawngbik mi Kawl ralkap nih a tih bikmi an si.Tutan Kawlram ralkap aa-naa lakmi duhlo nak langhternak zong ah KNU ralkap nih an mipi cu an ven bak khawh bak hna.

Arpi nih a fale a thla in a huh hna bantuk in an miphun an ven hna. Kawl ralkap zong an timi hna cu Karen mipi pakhat a thi nan chuah maw nan kah hna si cun kan in lehrulh colh lai an ti. Karen State hmun tampi ah ralkap le palik nih mipi an kham pah len hna nain an ti ngam taktak hna lo. KNU an tih hna.

Nihin zong ah Sandah a piahmi mipi hna cu Ralkap nih lampi ah an kham hna. Cucu KNU nih an theih tikah KNU Tatmahahmu pakhat a kal i ralkap pawl cu bia kakhat a hal hna. “Lam nan on lai maw on hlah cu lawng chim uh ” a ti hna i cu ti cun lam cu an on than. KNU hmai ah kawl ralkap cu Tawcep bak an si ko. Hmaitonh cun an tih tuk hna.


88 Hruatu Min Ko Naing Chimmi.Tuzarh hi a biapi taktak lai. A donghnak zarh zong a si kho. Tuzarh ah thil a fiang cang lai.Cucaah biatak in Embassy zung hmai ah mino hna nih daihnak he sandah piah ko rih u sih.Vuanthan pawl tuzarh zung kai bak hlah uh. Tuzarh ah CDM kan thawn a herhtuk. Cun sangkip in zan ah security tuah cio ulaw internet line an phih si zong ah khat le khat thawng i thanh khawh kan i zuam hna lai. Tuzarh ah thil a fiang cang lai. Azi-daw-bone awng-yah me.Min Ko Naing(8888) Credit: Tluang Ceu Thang

Be First to Comment

Leave a Reply

Your email address will not be published.