KNU brigade 5 hmunhma Mutraw (မူတြော်) pengkomh chung ah hmunhma rilonh in hriamthil phor le riahcaw phortu ralhrang motor 20 leng hrawng cu KNLA le KNDO nih an hrawhpiak hna, tiah theih a si. KNLA/KNDO phu le ralhrang phu kar kahdohnak nikhat chung ah ralhrang motor 6 cu hrawhpiak an tong tiah theih a si.
Cu kahdohnak thilcang kong le a thi mi le hliamhma tuar an um le um lo kong cu fiang tein kan thei kho rih lo, tiah KNU brigade 5 in Pado Man Mang nih Yangon Khit Thit Media ah a chim. Ralhrang phu hna motor hrawhpiak an tonnak kong ah Kayin ralkap phu nih phungning tein cathanh chuah mi a um rih lo.
Relchap; Korea um mi, Myanmar ram mi hna nih National Unity Government (NUG) sin ah an thawhkhawm mi phaisa Dollars singkhat cu a voi 5nak ah kan pek chanhkhawh cang, tiah Ralhrang Dohnak Committee (Korea) nih thawng an than.
Korea um mi, Myanmar mi hna nih dirh mi ‘One Day Challenge’ member hna nih thawhkhawm mi phaisa cu 2021 October thok in USD singkhat tluk si mi phaisa cu Korea won in NUG Bank account ah voi 5 kan kuat cang pin ah PDF Phu 12 hna sin ah Kyat sing 20 cio kan bawmh rih hna lai, tiah an cathanh ah an langhter chih. NUG zong nih One Day Challenge chungtel hna nih an thawh mi phaisa cu ngunkhuai ah cohlang in, thla 6 voikhat ngunkhuai ticket pek ding ah an tawlrel cuahmah lio ve.
One Day Challenge ah hin chungtel minung 1682 an um i thlakhat ah Korea tangka Won 157,220,000 in NUG Kan bawm khawh lai tiah an thanh chih. One Day Challenge nihcun S. Korea um Myanmar mi kan cawlcanghnak ah lungtho tein phaisa a tho mi chungtel dihlak cung ah kan i lawm tuk, tiah an langhter chih. Credit: The Chin Post
Falam- Hakha Karlak i CNA le Ralhrang kar Kahdohnak Ah CNA 2 An Nunnak Liam!! Falam in Hakha lei ah a kalmi ralhrang le CNA karlak kahdohnak ah CNA ralkap pahnih an nunnak liam, tiah theih a si.
Kahdohnak ah a nunnak liam mi CNA ralkap hna hi Thantlang peng Dawn khua mi Salai Van Bawi Bik le Ralpel khua mi Salai Za Hnin an si. Nihin March 2 ah ralhrang pawl nih Dokṭhek khua zong an khangh, tiah theih a si. Credit: The Chin Post
Be First to Comment