Press "Enter" to skip to content

Kokant ah MNDAA nih Kawl Ralkap 7 an kahthah hna

Kokant ah MNDAA nih Kawl Ralkap 7 an kahthah hna. Kokant (Kokang) Pengkomh Chaklei Shin-htan hrawng ah Kokant ralkap (MNDAA) nih Kawl Ralkap 7 an kahthah hna, tiah theih a si.

September thla chuahkate khan Kokant hrawng ah hin Kawl Ralkap nih voi 2 tiang an thazaang an chap pin ah Kokant hmunhma hna ah hriamngan an thlak lengmang i atu bantuk in kahdohnak a chuah hi a si.

Hi kahdohnak hi September 27, 9:30 AM hrawng in aa thok i suimilaam 2 chung hrawng an i kap. Kawl Ralkap 7 an thi i MNDAA nih an hriamnaam zong zeimaw an laakpiak hna, tiah The Kokang nih a thanh. (Photo:MNDAA ralkap) Credit : The Hakha Times

thawngpang dang relchap : Riahcaw a phormi motor cu ralhrang phu nih minung thazaang tampi in an runven

Kachin ramkulh, Phakanh peng Lawa khua pawng um mi KhunSaiYan khua ah riahcaw phor mi motor cu runven dingah ralhrang phu minung tampi nih umhmun an khuar tiah theih a si. Umhmun khuarmi ralhrang phu hna nih Tanaing ah riahcaw an cah caah riahcaw phor tu motor cu an runven nak hi a si tiah KhunSaiYan khua ummi pakhat nih a chim.

“Zinglei ah ralhrang motor 40 leng riahcaw phormi cu kan hmuh,Tanaing battalion lei ah riahcaw an ngeih ti lo caah KhunSaiYan lei ah security an lak hi a si, cu hlan nak in minung tampi nih security lak in riahcaw cu motor in an phorh hi a si, an pawngkam ah ralhrang tampi nih hmunhma an lak cang” tiah a chim.

“Khuami hna nih an kan hrial, zeiruang ah a si cu kan hngal lo tiah an chim.Ralhrang phu hna nih nizaan ah lo riantuan nak in a tlung mi khuami pafa hna cu an tlaih hna hnu ah nihin zinglei ah an inn ah thlah than an si cang.

Phakanh peng, KhunSaiYan khua ah September 25 ni ah ralhrang phu ruangah, khuami tam deuh cu Lawa khua ah an zaam,atang mi hna zong a rannak in umnak thial ding ah KIA nih thawng an thanh hna tiah theih a si.

Tanaing khua in ralhrang phu hna hriam le riahcaw phor mi motor cu KIA nih an motor meikhangh piak le dohnak cu a tu le tu an tuah. Credit : The Chin Post

Be First to Comment

Leave a Reply

Your email address will not be published.