Press "Enter" to skip to content

Kum 17 Minung Nih A Tawn Mi Thil Hi A Hopoh Nih Kan Ton Khawh Mi Thil A Si Rak I Ralring Ve (+Video)

Philippines ram, Nueva Ecija ah khua a sa mi nu pakhat Mary Ann Regacho kum 17 i a upa mi cu kumthok ka hrawng ah khan, a hmaiah arsik bantuk a bolian pi a um i, a phing dih i zoh awk tlak lo tiang in a mah minung zong lo lo viar in a chuak.

Mary nih cun cuti a hmai a bo mi le a phing mi cu, lung retheih awk tuk ding ah a ruat loh i cuti cun a zoh sawhsawh nau a neih nak i a chuak mi le a hma mi si ko le a dam than te ko lai tiah a ruah sual i zei ah a rel loh.

Hi ti bantuk in a hmai a phin thluahmah tik ah cun, a bo mi le a phing mi vialte cu a hmeh ter i can rau lo ah tihnung taktak in khuaruah har in a um. Mary Ann Regacho nih cun a hmai cu Balloon kan tum i a puar mi bantuk khin a tahchunh. Tu i dirhmun ah hin a hmai a phing mi nih cun a taksa vialte cu a khuh dih deng cang i, a mitsir lei a phin chih tuk ruang ah a mit zong khuahmu kho lo deng in a um cang ti a si. A si hman mi zong nih damnak a pe kho ti loh ti a si. Arsik sawhsawh bantuk long ah a ruah mi cu, a hnu a hnu ah cun thil tihnung tuk ah a chuak i zan it kho loin a tuah tu ah a cang cang.

Mary Ann pasal Albert Sales hi riantuan ding tha zong nei lo mi a remcang mi poh a tuan tawn tu a si i, i zohkhenh nak ding sii cawk nak phaisa zong an nei loh. An dirhmun a chiat tuk cang ruang ah cun, an chungkhar cun Samaria mitha mi bawmtu ding an herh nak kong cu an chim i, bomh nak hngak bu te cun can an hman lio a si zangfak khuaruah tam an si hringhran ko. (Daily Star) Video. Credit : Zo News

Be First to Comment

Leave a Reply

Your email address will not be published. Required fields are marked *