Press "Enter" to skip to content

Kum 2 Chung A Tlau Mi NuTling Pakhat Cu Tipi Laifang Ah An Char

Columbia ram i tipi pakhat ah ngatlaitu pa nih cun nu pakhat a char. Tipi laifang bak i a ummi nu cu kum 2 bak a rak tlau cangmi a si. A tlaunak kum 2 hrawng a liam cangmi kum 46 mi Angelica Gaitan cu taksa lumnak a herh taktak ti theih khawh dingin midang nih an chonh zongah a let kho hna lo. Video chungah a chanhchuah tu Ralando Visbal nih lawng cungin chanhchuah dingin a kut a vun dawh tikah mahnu cu tikik nih a taksa a rak ciah tuk cang ruangah a rak celh tilo.

Rolando nihcun Spain holh in a chonh nan, a holh a thei kho loh a thin a phan tuk ruangah Mirang holhin a chonh tthan . An i chonh nak cu ani theithiam kho loh. Cu nu nihcun angki phun dangdang ai hruk. Ngatlaitu nih hrihrual a vun thlakmi cu Anglica nih cun a thazang dihlak chuahin a rak tlaih i longpi zong Anglica leiah a hei naih thluahmah. Rolando nihcun mahnu cu long chung i chiah dingin a theitawk a chuah i, mahnu i a taksa cu thei le thei loin a dir.

Ngatlai tu nihcun cunu cu chonh a duh ruangah tikik din ding zong a pek nan, Angelica nihcun ngeihchia ngaiin a ttap i bia zong a chim kho loh. Khuachung bia a than ning ahcun nazi 8 chung hrawng cu Puerto Colombia tipi cungah a um i, September 26 ahkhan sikhan laiah an kalpi colh. A fanu Alejandra Castiblanco nih cun a nu cu kum 2 chung bak a umnak an theih tilo mi le zeizong vialte cu police pawl nih Angelica a tlau chungi thil a cangmi pawl theifiang dingin rian an tuan cuahmah liaopi a si.

Alejandra nihcun Media pawl sin ah a nu cu thinlung lei damlonak a neih ning pawl a chimfian. A nu cu innchung lei in ttha tein an zohkhenh theihnak ding hmun, an mah umnak khawpi Bogota ah Alejandra nihcun a unaunu he tangka thawhkhawm in a nu kuat ning ding an tuaktan cuahmah.

Be First to Comment

Leave a Reply

Your email address will not be published. Required fields are marked *