Press "Enter" to skip to content

Kum 2022 Ah Trump A Rak Kir Lai I 2024 Ah A Kan Hruai Than Lai: Steve Bannon

Kum 2022 Ah Trump A Rak Kir Lai I 2024 Ah A Kan Hruai Than Lai: Steve Bannon

Mi tampi nih Donald Trump cu 2024 ah President aa cuh than te lai tiah ruah le zumh cio a si. Asinain Republican hruaitu pakhat Steve Bannon nih cun 2022 ah tuah dingmi House Representative thimnak ah i cuh in Congress ah i tel hmasa sehlaw a tha tiah a chim.

Bannon cu 2016 thimnak lioah Trump caah Presidential Campaign Chief Executive a rak si. Cun 2017 lioah White House ah Trump ruahnak petu upa a si. Mexico ramri khamnak ding tangka kongah thong a tla nain Trump nih President in aa dinh lai ah a ngaihthiam i a chuakmi a si.

Bannon nih cun Boston i Republican mipi sin i bia a chim lioah Trump hi 2022 i House Representative thimnak ah i cuh sehlaw atu i Speaker of the House a simi Nancy Pelosi hi chawng seh, ti a duhnak a chim.

Bannon nih cun “Trump hi mi ram caah caansaupi a nguhmi ruahnak a ngeimi a si. Kum 2024 ah cun kan nominee a si hrimhrim lai tiah fek tuk in ka zumh” tiah a chimchap.

Cu lawng si loin “Kan sinah a ra than lai, 2022 ah teinak a hmuh lai i 2024 ah cun a kan hruai ko lai” tiah a ti.

Kum 2016 thimnak lioah Russia spy hna bawmhnak in teinak a hmuh an ti i Democratics lei nih Impeachment an tuah, a sual an kawl lengmang nain an hlawhtling lo. Cun Feb 6, 2021 i Capitol innpi luhhnawhnak kongah a forh hna an ti i a voihnihnak Impeachment an tuah than. Tutan cu kan tei bak lai tiah an i zumh tuk nain an lawngin an kir hoi.

Mahca cun Steve Bannon bia bangin Trump hi US le vawleipi hruai dingin a rak kir than hrimhrim ko lai.

Source: Newsweek

Crd: Chin Post

Be First to Comment

Leave a Reply

Your email address will not be published. Required fields are marked *