Press "Enter" to skip to content

Kum 80 I A Upa Mi Nupa Hna Cu An Lungfah Nak Video An Post Hnu Ah Ai Nuam Cem Mi Dirhmun An Phan Than

Pandemic hi mitam pi caah cun harsat nak a phanh ter. A hleice in khiachung i ai zuar mi pawl caah le, eichawm a kawl mi hna caah buainak tampi a chuah ter khawh ti a si.Malviya Nagar, Delhi ah a um mi kum 80 i a upa mi putar pakhat Kanta Prasad le a nupi cu eidin dawr a tuah mi an si i, ‘Baba ka Dhaba’ tiin Hanuman Mandir lei ah hin, home-cooked meals an zuar tawn.

Sinain cuti an thil zuar mi cu zawr rai a tlun ruang ah an duh ning in an i zuar kho loh. Buh/rawl 750grams le dal kg cheu zong hi nikhat ah an i zuar kho loh. An i zuar khawh lo nak kong cu video ai zeih i mipi hmuh ding ah a langh ter i lungfak tuk buin an manh mi Rs 10 note pawl cu a langh ter.

1988 kum bak khan an eidin ding caah dawr hi an rak tuah ve cang. mahhi dawr an tuah nak te hi an pawcawm kawl mi cu a si i sinain, pandemic ruang ah hin harsat nak faktuk an tong.

A nupui Badami Devi he hin, zinglei 6:30 hin an zuar ding mi thil hi an i tim tawn i, nazi 9:00 hrawng ah thilzuar ding in an chuak tawn. Dal, curry, parathas le rice hna cu plate khat Rs 30-50 in an zuar tawn.

Lungre theih tuk buin thil an zuar tawn nak an video an langh ter mi ah hin Social Media pawl thinglung a khoih tur hringhran. Mitam pi nih an dawr hi an va cawkpiak hna i cuticun zangfah nak neibu in mi tampi nih an va zuamhnawh hna le an va dawr lengmang cang hna.

Lung retheih nak an ton mi pinlei ah lunglomh nak in an khat than. Milar taktak le minthang taktak pawl, Raveena Tandon, Swara Bhasker, Sonam Kapoor, Suniel Shetty te pawl zong nih ‘Baba Ka Dhaba’ dawr hi an cawngia piak peng hna i Twitter ah top trend tiang in an cang.{Video} timi te hi rak hmette aw ……

Be First to Comment

Leave a Reply

Your email address will not be published. Required fields are marked *